İqtisadi gündəm
Rusiya artıq hədə ilə danışmır - VİDEO MÜSAHİBƏ
Həm Rusiyanı, həm də Türkiyəni yaxşı tanıyan millət
vəkili Fazil Mustafa ANS-in "HESABAT"ına müsahibə
verib.
- Fazil müəllim sizcə Putinin Türkiyəni yox, Ermənistanı
seçməsinə Türkiyənin reaksiyası necə olacaq?
- Türkiyə sadəcə olaraq burada mümkün variantları seçib. Erməninin
soyqırım iddiaları ilə yalan dolu şousuna qarşı Çanaqqalada belə
bir tədbirlərin gerçəkləşməsi, eyni zamanda ora gedə biləcək mümkün
dövlət başçısılarının həm də öz ölkəsinə dəvət olunması xəttini
götürüb. Bütün hallarda Rusiyanın bu addımı, Türkiyənin Rusiya ilə
iqtisadi münasibətlərinə təsir görsətməyəcək. Çünki Türkiyənin
özündə də qondarma erməni soyqırımı ilə bağlı nisbətən kompromis
bir yol izlənməkdədir. Belə ki, rəsmi Ankaranın mövcud siyasətində
bir yumuşalma var. Avropadan gələn səslərə də münasidətdə hələ ki,
cəmiyyətin etirazı səbəbindən buna müsbət yanaşma yoxdur. Amma
Ollandın da bununla bağlı açıqlaması var: "Biz Ermənistana
"soyqırım” gününü qeyd etməyə gedəcəyik. Türkiyə Ollanda qarşı da
çox sərt etiraz üslubundan istifadə etmədi. Eyni zamanda Türkiyənin
Fransa ilə aralarında məsafəli münasibətlər var. Rusiya ilə
münasibətlər indiki mərhələdə daha yaxındır. Belə bir vəziyyətdə
Fransaya qarşı sərt etiraz üslubundan istifadə etmədilərsə,
Rusiyaya qarşı etmələri də gözlənilən deyil.
- Azərbaycan buna necə yanaşmalıdır?
- Məncə Azərbaycanın bu məsələyə qarışması bütün hallarda siyasi
cəhətdən doğru olmaz. Amma bir cəhətdən doğrudur ki, Azərbaycan
Türkiyə vasitəsilə özünə aid və özünə lazım olan müəyyən
problemləri gündəmə gətirə bilər. Məsələn, Putin və Olland
Ermənistana getmək barədə qərar veriblər. Hətta o da mümkündür ki,
ABŞ prezidenti də hansısa, bir qərar qəbul edə bilər. Məsələn,
dövlət katibi səviyyəsində səfər gerçəkləşə bilər. O zaman Türkiyə
bu hadisədən istifadə edərək bir liderələrə çağrış edə bilər ki,
əgər siz qondarma erməni soyqırımı məsələsinə belə həssasınızsa,
onda yaxın tariximizdə baş vermiş Xocalı soyqırımını birlikdə
tanıyaq. Hazırda Xocalı soyqırımı ilə bağlı kifayət qədər faktlar
və videgörüntülər var və artıq bu bütün dünyaya sübut
olnubdur.
- Putinin qondarma erməni soyqırımının 100 illiyi ilə
bağlı Ermənstana getməsinin mümkün etmək müəyyən şantaj
hərəkətlərindən keçib. Yəni Permyakov olayını ermənilər özləri
təşkil edə bilərlər. Bir hüquqşunas olaraq sizin belə bir versiyaya
münsibətiniz necədir?
- Təbii ki, hüquqşunas olaraq bütün versiyalar üzərində dayanmaq
vacibdir. Ermənistan bu günləri fərdi qaydada Putinə hər hansı bir
təzyiq göstərmək imkanına sahib deyil. Çünki, tamamilə Rusiyadan
asılı bir ölkə olduğuna görə, hətta bu günləri Ermənistan
cəmiyyətində Qərbə qarşı müsbət münasibət bəsləyənlərin sayının çox
olamasına baxmayaraq, o çoxluğun özü də real zərurət kimi,
Ermənistanın mövcudluğunun qarantı olaraq Rusiyadan kənar yol
görmədiklərini ifadə edirlər.
- İki gündən sonra Azərbaycanın Avropanın taleyində
oynadığı daha böyük bir rolun şahidi olacağıq. Söhbət TANAP-ın
özülünün qoyulmasından gedir. Sizcə yaranmış vəziyyət TANAP-ı daha
aktual edir, yoxsa?
- Məsələ burasındadır ki, bu, Azərbaycan üçün ciddi bir fürsətdir.
Çünki Türkiyənin uğuru, bizim uğurumuzdur. Amma Türkiyənin
uğursuzluğu o demək deyil ki, hansısa bir məqamda Azərbaycan özünə
aid olan uğurdan imtina etməlidir. Çünki, TANAP layihəsi həm də
Türkiyə ilə birlikdə bizim uğurumuzdur. Ona görə də hər hansı bir
layihənin alternativi ortaya çıxırsa, Türkiyə və Azərbaycan da
ciddi cəhdlə bunun həyata keçirilməsinə xüsusi diqqət yetirməlidir.
Bu zaman daxili siyasətdə Azərbaycanda qeyd etdiyiniz nöqsanlar
ortaya çıxır. Amma xarici siyasət kifayət qədər ağıllı yürüdülür.
Azərbaycanda balanslı bir siyəsət həyata keçirilir. Azərbaycan
prezidenti İlham Əliyevin son dövrdə bölgədə baş verən qarışıqlığı
nəzərə alaraq balansı qoruyub saxlaması məhz TANAP layihəsinən
zərurət olaraq ortaya çıxarmasına səbəb olub. Artıq Rusiyada
bununla razılaşır. Diqqət edirsinizsə, bir sıra layihələrdə
Rusiyadan həmişə maneələr, hədələr gəlirdi. İndi isə Azərbaycanın
da ortaya qoyduğu layihələrdə Türkiyə, Rusiya tərəfindən də hər
hansı bir şəkildə əngəlləyici mesajlar səsləndirilmir. Məhz
Azərbaycanın bu mövqeyə gəlib çıxması ağılı xarici siyasətin
nəticəsi idi. Ona görə də bu kursun davam etməsi hesab edirəm ki,
bölgədə istənilən uğursuzluqda hamı üzünü Azərbaycana
çevirəcək.
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular