• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

XİN Qarabağ münaqişəsinin həlli üçün vacib olan şərti açıqladı

XİN Qarabağ münaqişəsinin həlli üçün vacib olan şərti açıqladı

"Dağlıq Qarabağ münaqişəsini həll etmək üçün BMT - nin Təhlükəsizlik Şurasının Azərbaycanın işğal edilmiş ərazilərindən Ermənistan qoşunlarının çıxarılması ilə bağlı qəbul etdiyi qətnamələr yerinə yetirilməlidir".

Publika.az Trend -ə istinadən bildirir ki, bunu Azərbaycanın Xarici İşlər Nazirliyinin mətbuat xidmətinin rəhbəri Hikmət Hacıyev “This week in focus” verilişində deyib.

Onun sözlərinə əsasən, hərbi faktor, işğal və aqressiya amilləri danışıqlar prosesindən çıxarılmalıdır: “Bundan sonra bu prosesdə sıçrayışa nail ola və regionda sülh və təhlükəsizliyi təmin edə bilərik”.


XİN sözçüsü qeyd edib ki, Azərbaycan xalqı münaqişənin indiyədək həll edilməməsi faktorundan çox məyusdur. Onun sözlərinə əsasən, Azərbaycanda qaçqınlar və daxildə bir yerdən başqa yerə keçən şəxslərin bir arzusu var – öz torpaqlarına, vətənlərinə qayıtmaq.

H.Hacıyev xatırladıb ki, Dağlıq Qarabağ münaqişəsinin həlli üçün 1995 - ci ildə ATƏT-in Minsk qrupu formalaşdırılıb. Lakin indiyədək danışıqlar prosesində heç bir nəticə əldə edilməyib. Nəticə isə yalnız işğalın və Azərbaycana qarşı aqressiyanın dayandırılması və Azərbaycanın ərazi bütövlüyü və suverenliyinin qarantiyası, eləcə də, azərbaycanlı qaçqın və məcburi köçkünlərin torpaqlarına qayıtmasının təmin edilməsi ola bilər.

Xəbər lenti

DAHA ÇOX XƏBƏR