• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Vətəndaşlıqla bağlı yeni təklif – Cinayət məsuliyyətinə cəlb olunsun

Vətəndaşlıqla bağlı yeni təklif – Cinayət məsuliyyətinə cəlb olunsun

Xarici dövlətin vətəndaşlığını qəbul etmiş Azərbaycan Respublikasının vətəndaşı bu barədə Azərbaycanın müvafiq icra hakimiyyəti orqanına məlumat vermədiyi halda məsuliyyətə cəlb ediləcək.

Publika.az-ın məlumatına görə, bununla bağlı Azərbaycan Prezidenti tərəfindən Cinayət Məcəlləsinə yeni 318-2 (Xarici dövlətin vətəndaşlığını qəbul etmiş Azərbaycan Respublikasının vətəndaşı tərəfindən bu barədə məlumatın verilməməsi) maddəsinin əlavə olunması təklif edilir.

Maddəyə əsasən, xarici dövlətin vətəndaşlığını qəbul etmiş Azərbaycan Respublikasının vətəndaşı tərəfindən bu barədə müvafiq icra hakimiyyəti orqanına bir ay müddətində yazılı məlumatın verilməməsinə görə 3 min manatdan 5 min manata qədər cərimə və ya 360 saatdan 480 saatadək ictimai işləri cəzası nəzərdə tutulur.

Layihə parlamentin Hüquq siyasəti və dövlət quruculuğu komitəsi tərəfindən Milli Məclisin plenar iclasına tövsiyə olunub və növbəti iclasda müzakirəyə çıxarılacaq.

Vasif Həsənli

Xəbər lenti

DAHA ÇOX XƏBƏR