• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

17 ilə 1 milyard manat vergi - HESABAT

17 ilə 1 milyard manat vergi - HESABAT

Bu gün “Azercell Telekom” MMC-nin 2013-cü ilin nəticələrinə həsr edilən mətbuat konfransı keçirilib.

Konfrasın açılışını şirkətin prezidenti Kirill Qaburiç edib. Kirill Qaburiç çox pnəmli məsələlərə toxunaraq bildirib ki, ötən il ərzində Azercell Telekom 1200-dən artıq yeni baza stansiyası quraşdırıb. Bunlar da, bütün ölkə boyu səs xidmətləri və internet - rabitənin yüksək keyfiyyətini təmin etməkdədir. 2013-cü ilin sonuna “Azercell Telekom” MMC-nin şəbəkəsi 5500 baza stansiyadan ibarət olub ki, onların da 260-dan çoxu məhz Bakı və Abşeron yarımadasını əhatə edən LTE (4G) şəbəkəsinə xidmət edir və yüksək internet sürəti ilə bərabər, CSFB sistemi üzərindən səsli rabitəni dəstəkləyir. 2013-cü ildə Ookla Net İndex tərəfindən aparılan araşdırmaların nəticələrinə əsasən, Azərbaycanda ən yüksək mobil internet sürətini məhz Azercell şirkəti təmin edir.

Bundan əlavə, hər ikinci abunəçi fəal mobil internet istifadəçisi olduğu halda, "Azercell" abunəçiləri arasında mobil internetdən istifadənin artım göstəricisi 120%-dən artıq olub”. K. Qaburiçin sözlərinə görə, 2013-cü il Azercell üçün ASAN-İmza, “Ağıllı Ev” və s. layihələrlə yadda qalıb: “Ötən il ərzində "Azercell" dünyanın 100-dən artıq operatoru ilə rouminq tariflərini endirib. Paytaxtda və regionlarda öz xidmət mərkəzləri şəbəkəsinin genişləndiriməsini davam etdirib. Hazırda 560-dan çox müxtəlif xidmət məntəqəsi fəaliyyət göstərir.

Bu gün şirkətin mobil rabitə şəbəkəsi ölkə əhalisinin 99,8% əhatə edir, abunəçilərin sayı isə 4,5 miyon nəfərə çatıb. 2013-cü ildə "Azercell" dövlət büdcəsinə təqribən 111 milyon manat, ölkədə fəaliyyət göstərdiyi 17 il ərzində isə 1 milyard manat vəsait ödəyib. Ötən il ərzində Azərbaycanda telekommunikasiyanın inkişafına təqribən 84.5 milyon manat, 17 il ərzində isə 1 milyard manat sərmayə yatırıb. 2013-cü il ərzində şirkət öz əməkdaşlarının peşəkar inkişafına da 1 milyon manat xərcləyib. Sosial layihələrin həyata keçirilməsinə 0,4 milyon manat vəsait sərf edib”.

Odər Qəni

Xəbər lenti

DAHA ÇOX XƏBƏR