Hadisə
Nəvəsinin cinsiyyət orqanını kəsən babadan DƏHŞƏTLİ ETİRAF
Bu gün Bakı Ağır Cinayətlər Məhkəməsində nəvəsini qətlə yetirməkdə təqsirləndirilən Rakif Bayramovun cinayət işi üzrə məhkəmə prosesi davam edib.
Hakim Tamella Nəsrullayevanın sədrlik etdiyi iclasda şahid
qismində R.Bayramovun qudası Saleh Həsənov ifadə verib. Şahid
bildirib ki, meyiti onun maşınında Ağdama aparıblar: "Mən bilmirəm,
qətli kim törədib. Rakif dedi ki, nəvəsini öldürüblər. Mən də heç
nə soruşmadım".
Hakim isə bildirib ki, şahid istintaq zamanı ifadəsində Rakif
Bayramovun nəvəsini namus üstündə öldürdüyünü deyib. Hakimin
sözlərinə görə, şahidin cinayət hadisəsini bilib gizlətməsi barədə
şübhələr olduğundan onun haqqında ayrıca cinayət işi
başlanılıb.
R.Bayramov bildirib ki, qətli özü törədib: "Uşaq dəfələrlə mənim
şəhidlərmi söydü. Mən də onu öldürdüm. Salehi rayona getməyə də mən
məcbur etmişəm. O, hər şeyi düz danışır".
Daha sonra təqsirləndirilən şəxsin ilkin ifadəsi elan edilib:
"Nəvəmin hərəkətlərinə dözmək olmurdu. Qızım deyirdi ki,
narkomanlarla dostluq edir. Hadisə baş verən gün onu danladım və
narkoman dostlarını evə gətirməsinə irad bildirdim. Bu zaman o,
şəhid oğluma söydü. Mən əvvəlcə yumruqla bir zərbə vurdum. O,
huşunu itirib yerə yıxıldı. Bu zaman ağzına parça soxdum və
cinsiyyət orqanını kəsdim, lakin dərisindən ayırmadım. Bundan sonra
kəndirlə onu boğub öldürdüm. Daha sonra meyiti sellofana büküb
çarpayının altına itələdim".
R.Bayramov isə öldürəndən sonra cinsiyyət orqanını kəsdiyini
deyib.
Proses yanvarın 27-də davam edəcək.
Qeyd edək ki, ötən ilin fevralın 7-də Mübariz Məmmədov Binəqədi
rayon Prokurorluğuna müraciət edərək, 1997-ci il təvəllüdlü oğlu
Tural Bayramovun naməlum şəxs və ya şəxslər tərəfindən öldürülərək
Ağdam rayonunun Çəmənli kəndində dəfn edildiyini bildirib. Faktla
bağlı Binəqədi Rayon Prokurorluğunda Cinayət Məcəlləsinin 120.1-ci
(qəsdən adam öldürmə) maddəsi ilə cinayət işi başlanıb. Cinayəti
mərhumun babası Rakif Bayramovun törədildiyi müəyyənləşib. Meyit
məhkəmənin qərarına əsasən dəfn olunduğu yerdən çıxarılaraq
ekspertizaya təqdim edilib.
Ağdam rayon sakini, 71 yaşlı Rakif Bayramov 16 yaşlı nəvəsi Tural
Bayramovu boğaraq qətlə yetirdiyini etiraf edib. (apa)
-
Kriminal14:40
7 yaşlı uşağı öldürən məşqçiyə hökm oxundu
-
Sosial14:05
Gələn ilin pensiya artımları nə vaxt bəlli olacaq? - Komitə sədri açıqladı
-
Qoroskop13:26
Aprelin bəxtəvər 3 bürcü - Şans ayaqlarına gələcək
-
Dünya12:50
Yəhudilər Netanyahunu devirməlidir, yoxsa... - Sensasion açıqlama
-
İdman12:20
Onun ilk çılpaq fotosessiyanın pulunu Maradona ödəyib - FOTOLAR
-
İqtisadi gündəm12:05
Bayram günlərində bu şəxslərə əlavə pul veriləcək
-
İdman11:03
"Neftçi"də nə baş verir? - Qruplaşmalar, daxili çəkişmələr...
-
Sosial10:31
Hətta xasiyyəti belə dəyişən ay - Daim içki içən şəxs Ramazanda oruc tutarsa...