MTN generallarına qarşı 25 mülki iddia qaldırıldı
Bizi izləyin

Hadisə

MTN generallarına qarşı 25 mülki iddia qaldırıldı

Proses günün ikinci yarısında davam edəcək.

Bu gün Sabunçu rayon Məhkəməsinin inzibati binasında ləğv edilmiş Milli Təhlükəsizlik Nazirliyi Monitorinq Mərkəzinin sabiq rəisi, general-mayor Teymur Quliyev, Transmilli İqtisadi Cinayətkarlığa Qarşı Mübarizə Baş İdarəsinin sabiq rəisi, general-mayor Sübahir Qurbanov, Əməliyyat-Texniki İdarənin rəisi, general-mayor Natəvan Mürvətova, həmin qurumun digər vəzifəli şəxsləri Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi üzrə məhkəmə prosesi davam edib.

Bakı Hərbi Məhkəməsinin hakim Həbib Həsənovun sədrlik etdiyi prosesdə cinayət işi üzrə tanınan 25 zərərçəkmiş vəsatət verib.

Onlar vəsatətlərində təqsirləndirilən şəxslərə qarşı mülki iddia qaldırdıqlarını qeyd ediblər. Hakim zərərçəkmişlərin vəsatətini təmin edib və onların mülki iddiasını icraata götürüb. Bildirib ki, prosesdə zərərçəkmişlərin mülki iddiası araşdırılacaq.

Daha sonra təqsirləndirilən Sübahir Qurbanov vəsatətlə çıxış edib. O, bildirib ki, səhhəti ağırdır, müayinə üçün tibbi ekspertiza keçirilməlidir. Hakimlər vəsatəti baxılmamış saxlayıb.

Proses günün ikinci yarısında davam edəcək. (teleqraf)

Oxumağa davam et
Reklam
Reklam

Gündəm