PPX avtomobili qəzaya uğradı - 1 nəfər yaralandı
Bizi izləyin

Hadisə

PPX avtomobili qəzaya uğradı - 1 nəfər yaralandı

Həkimlər yaralının vəziyyətini orta-ağır kimi qiymətləndirirlər.

Bakıda Suraxanı Rayon Polis İdarəsinin (RPİ) Post Patrul Xidmətinə (PPX) məxsus avtomobil qəzaya uğrayıb.

"Report" xəbər verir ki, Suraxanı RPİ-nin polis serjantı, 1977-ci il təvəllüdlü Şahbuzov Sübhan Tağı oğlu idarə etdiyi xidməti "Fiat" markalı avtomobil ilə Suraxanı rayonunun Hövsan qəsəbəsi ərazisindən keçən dənizkəranı yolda hərəkətdə olarkən yolayrıcı dəmir çəpərə çırpılıb.

Qəza sürücünün idarəetməni itirməsi nəticəsində baş verib. Nəticədə polis ağır bədən xəsarətləri alaraq xəstəxanaya yerləşdirilib. Avtomobil Suraxanı RPİ-nin cərimə meydançasına aparılıb. Həkimlər yaralının vəziyyətini orta-ağır kimi qiymətləndirirlər.

Faktla bağlı Daxili İşlər Nazirliyinin Daxili Təhqiqatlar İdarəsində araşdırma aparılır.

Oxumağa davam et
Reklam
Reklam

Gündəm