Dindarların məhkəməsində DAVA - Hakimə ayaqqabı atdılar
Bizi izləyin

Hadisə

Dindarların məhkəməsində DAVA - Hakimə ayaqqabı atdılar

2015-ci il noyabrın 26-da baş vermiş Nardaran hadisələrində təqsirləndirilərək həbs olunan "Müsəlman Birliy"i Təşkilatının rəhbəri Taleh Bağırov və birliyin 16 üzvü, həmçinin Azərbaycan Xalq Cəbhəsi Partiyasının sədr müavini Fuad Qəhrəmanlı məhkəmə hökmündən apelyasiya şikayəti üzrə məhkəmə prosesi keçirilib.

Teleqraf.com-un məlumatına görə, bu gün Bakı Apelyasiya Məhkəməsində hakim Əmir Bayramovun sədrliyi ilə baş tutan prosesdə dava düşüb.

Təqsirləndirilən şəxslərdən bir neçəsi çıxış zamanı hökuməti tənqid edən fikirlər səsləndiriblər. Daha sonra bir neçə dəqiqəlik fasilə elan olunub.

Fasilədən sonra çıxış üçün prokuror Ceyhun Budaqova söz verilib. Bu, təqsirləndirilən şəxsləri hiddətləndirib. Onlar Əmir Bayramovun sədrlik etdiyi kollegiyaya etiraz ediblər.

Daha sonra təqsirləndirilən şəxslər ayaqqabılarını çıxararaq hakimlərə atıblar.

Bu səbəbdən prosesdə fasilə elan olunub.

Bakı Ağır Cinayətlər Məhkəməsinin hökmü ilə Taleh Bağırov 20 il, Abbas Hüseynov 20 il, Fuad Qəhrəmanlı isə 10 il, Cabbar Cabbarov 19, Rasim Cəbrayılov 17, Şamil Abduləliyev, Zakir Mustafayev, Cahad Babakişizadə, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev, Əlibala Vəliyev, Fərhad Balayev və Abbas Tağıyevin hər biri 14 il 6 ay, Ramin Yarıyev və Aqil Quliyevin hər biri 10 müddətinə azadlıqdan məhrum ediliblər.

Taleh Bağırov və Abbas Hüseynov cəzalarının 7 ilini qapalı rejimdə çəkəcəklər. Hökmdən narazı qalan təqsirləndirilən şəxslər apelyasiya şikayəti veriblər və barələrində bəraət hökmü çxıarılmasını istəyiblər.

Oxumağa davam et
Reklam
Reklam

Gündəm