Bakıda QORXUNC QƏZA: mal-qara daşıyan yük maşını aşdı və... - FOTO
Bizi izləyin

Hadisə

Bakıda QORXUNC QƏZA: mal-qara daşıyan yük maşını aşdı və... - FOTO

Bu gün axşam saatlarında Bakı Dairəvi-1 avtomobil yolunun Bakı-Quba-Rusiya Federasiyası ilə dövlət sərhədi avtomobil yoluna (Bakı-Sumqayıt yolu) birləşən hissəsində yol-nəqliyyat hadisəsi baş verib.

Avtomobil Yolları Dövlət Agentliyindən Publika.az-a verilən məlumata görə, Bakı Dairəvi-1 avtomobil yolu ilə Bakı-Sumqayıt yolu istiqamətində hərəkət edən 99 JH 641 dövlət nömrə nişanlı “Mercedes” markalı yük maşınının sürücüsü idarəetməni itirərək maşını yol kənarındakı əyri-xətli dəmir tirlərə çırpıb.

Zərbənin təsirindən yük maşını aşıb. Yük maşını iri baş mal-qara daşıyırmış. Qəzadan sonra mal-qara ətrafa dağılışıb.

Qəza zamanı yol təsərrüfatına da ziyan dəyib. Yol kənarında olan 64 paqon-metr uzunluğunda əyri-xətli dəmir tirlər və siqnal dirəkləri sıradan çıxıb. Hazırda yol təsərrüfatına dəymiş ziyan hesablanır.

Oxumağa davam et
Reklam
Reklam

Gündəm