Xəzər dənizində qayıqda tapılmış meyitlərin kimliyi məlum oldu - (YENİLƏNDİ)
Bizi izləyin

Hadisə

Xəzər dənizində qayıqda tapılmış meyitlərin kimliyi məlum oldu - (YENİLƏNDİ)

Bu gün Xəzər dənizində qayıqda tapılmış meyitlərin kimliyi məlum olub.

"Report"un məlumatına görə, bunlar bir ay əvvəl Sumqayıt şəhəri ərazisindən dənizə çıxmış 2003-cü il təvəllüdlü Adil Müşviq oğlu Cəbiyev və 2001-ci il təvəllüdlü Nüsrət Nəzər oğlu Nəzərovdur.

Meyitlər müayinə olunduqdan sonra ailələrinə təhvil veriləcək.

***

Fövqəladə Hallar NazirliyiXəzərdə iki meyitin tapılması barədə açıqlama yayıb.

Publika.az nazirliyin saytına istinadən xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, bu gün saat 13:00 radələrində dənizdə (sahildən, təxminən, 90 km dənizin içinə doğru) içərisində 2 nəfərin (şəxsiyyətləri məlum deyil) meyiti olan rezin qayıq aşkarlanıb. Məlumat aidiyyəti qurumlara ötürülüb.

Fövqəladə Hallar Nazirliyinin Dövlət Yanğından Mühafizə Xidmətinin "Vixr-3" gəmisi qayığın tapıldığı əraziyə cəlb olunub. Hazırda meyitlərin götürülməsi və qayığın sahilə çıxarılması ilə bağlı zəruri tədbirlər görülür.

Əlavə məlumat veriləcək.

***

Xəzər dənizində içərisində meyitlər olan qayıq aşkarlanıb. Rezin qayıq "Neft Daşları" yaxınlığında müşahidə olunub.

FHN əməkdaşları artıq meyitləri qayıqdan götürüblər. Lakin meyitlər tanınmaz hala düşdüyündən onların kimliyi hələlik məlum deyil.

Meyiti tapılan şəxslərin kimliyi ekspertizadan sonra məlum olacaq. (apa)

Oxumağa davam et
Reklam
Reklam

Gündəm