• USD 1,7020 -0,01% EUR 1,9062 -0,37%
    • GBP 2,1922 -0,80% RUB 0,0300 -0,67%

Lənkəranda yük maşını dərəyə aşdı, ölən və yaralanan var

  • Hadisə
  • 22 İyul 2015 16:11
  • 342 Baxış
Lənkəranda yük maşını dərəyə aşdı, ölən və yaralanan var

Lənkəran rayonunda ağır yol-nəqliyyat qəzası baş verib.

Hadisə iyulun 22-də, saat 14.50 radələrində rayonun dağlıq Gəgiran kəndinin Piədi ərazisində qeydə alınıb. Kənd sakini, 1987-ci il təvəllüdlü Zamin Rza oğlu Əliyevin idarə etdiyi “QAZ-66” markalı yük maşını hərəkətdə olarkən qəfildən idarəetməni itirərək yoldan çıxıb və dərəyə aşıb. Nəticədə maşının sürücüsü və yanındakı sərnişini, Gəgiran kənd sakini, 1973-cü il təvəllüdlü Mustafa Aşur oğlu Axundov müxtəlif dərəcəli bədən xəsarətləri alıb. Yaralılar təcili yardım maşınında dərhal Lənkəran Mərkəzi Rayon Xəstəxanasına (MRX) yola salınıb. Lakin M.Axundov yarı yolda dünyasını dəyişib. MRX-nin reanimasiya şöbəsinə yerləşdirilmiş sürücü Z. Əliyevin də vəziyyəti ağır qiymətləndirilir.

İlkin versiya kimi hadisənin maşındakı texniki nasazlıq səbəbindən baş verdiyi ehtimal olunur.

Faktla bağlı rayonun hüquq-mühafizə orqanlarında araşdırmalar başlanıb.

Загрузка...

Xəbər lenti

DAHA ÇOX XƏBƏR