Samuxda dəhşətli qəza: 5 ölü, 5 yaralı - YENİLƏNİB
Bizi izləyin

Hadisə

Samuxda dəhşətli qəza: 5 ölü, 5 yaralı - YENİLƏNİB

Xəstəxanadan Kəpəz TV-yə verilən məlumata görə, avtomobildə olan şəxslərdən beşi dünyasını dəyişib.

Onlar sürücü Məmmədov Zöhrab Faiq oğlu, azyaşlı Həsənova Məleykə Rövşən qızı, İsmayılova Hicran Səməndər qızı, İsmayılova Maral Mosu qızı və İsmayılova Kafya adlı yaşlı qadındır.

Yaralılar isə bunlardır:

Məmmədova Fatimə
Məmmədova Rəqsanə Faiq qızı
Məmmədova Zöhrə Faiq qızı
İsmayılova Namilə Mirzəli qızı
Hüseynov Sənan Elçin oğlu

Verdiyev Yusif Elşən oğlunun xəsarətləri yüngül olduğundan o, ambulator yardımdan sonra evə buraxılıb. Sənan Hüseynov Gəncə Şəhər 2 saylı Birləşmiş Uşaq Xəstəxanasına yerləşdirilib. Digər yaralıların müalicəsi Gəncə Şəhər Təcili Tibbi Yardım Xəstəxanasında davam edir.

X X X

Gəncə şəhər təcili yardım xəstəxanasından Publika.az-a bildiriblər ki, yaralıların 4-ü uşaqdır. 7-si ortayaşlı olub ki, onların 6-sı qadın, 1-i kişidir. Uşaqlardan biri Gəncə şəhər uşaq xəstəxanasına, qalanları təcili yardım xəstəxanasına yerləşdirilib.

Qadınlardan biri yerindəcə dünyasını dəyişib. Bir uşaq və bir qadın isə xəstəxanaya gətiriləndən sonra ölüb. Hazırda digər xəstələr reanimasiya və travmatologiya şöbəsinə yerləşdirlib. Onların vəziyyəti ağır dəyərəndirilir.

***

Respublika Təcili Yardım Stansiyasının baş həkimi Mürsəl Həmidovun Publika.az-a verdiyi məlumata görə, qəza nəticəsində 10 nəfər yaralanıb, bir qadın ölüb.

Yaralılar arasında 3 nəfər uşaq var. Onlar hamısı Gəncə şəhər təcili yardım xəstəxanasına yerləşdirilib.

Gülxar

***

Samuxda dəhşətli qəza baş verib.

Region TV xəbər verir ki, Gəncədən İmamzadə dini kompleksinə gedən yolda, Samux rayonu ərazisində dəhşətli qəza baş verib.

"VAZ 2106" markalı avtomobilin sürücüsü yolötürücünün üzərində olarkən idarəetməni itirib. Maşın əvvəlcə körpünün məhəccərlərinə, daha sonra isə 15 metr hündürlükdən yerə çırpılıb.

Şahidlərin bildirdiyinə görə, avtomobildə bir neçə uşaqla birlikdə ümumilikdə 11 nəfər olub. Onların əksəriyyəti həyatlarını itiriblər.

Samux rayon Dövlət Yol Polisi əməkdaşları sürücünün və həlak olanların şəxsiyyətlərinin müəyyənləşdirilməsi və hadisənin səbəblərinin araşdırılması istiqamətində iş aparır.

Oxumağa davam et
Reklam
Reklam

Gündəm