• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Bakıda motosiklet “Chevrolet”lə toqquşda

  • Hadisə
  • 14 Sentyabr 2015 09:38
  • 300 Baxış
Bakıda motosiklet “Chevrolet”lə toqquşda

Bu gecə Bakının Xətai rayonunda qeydə alınmış yol nəqliyyat hadisəsi zamanı motosiklet minik maşını ilə toqquşub. Bu avtoqəza Yeni Bulvar yaxınlığında, təzəcə salınmış avtomobil yolunda baş verib. Qəza xəsarətsiz ötüşməyib.

Müəyyən edilib ki, nəqliyyat vasitələrinin hər ikisi eyni istiqamətdə hərəkət edirmiş və ara məsafəsinin düzgün təyin edilməməsi səbəbindən “Suzuki” markalı motosiklet, sürücüsünün xanım olduğu bildirilən “Chevrolet” markalı avtomobillə toqquşub. Daha sonra motosikletin sürücüsü müvazinəti itirib və yıxılıb.

Qəza nəticəsində xəsarət alan motosiklet sürücüsü sonradan xəstəxanaya müraciət etməli olub. Hadisənin baş verməsi səbəblərini Bakı şəhər Baş Dövlət Yol Polisi İdarəsinin müfəttişləri araşdırır.

Yol qəzasının baş verməsində ilkin ehtimal kimi düzgün təyin edilməmiş ara məsafəsi göstərilir. Təfərrüatlar dəqiqləşdirilir.(anspress)

Xəbər lenti

DAHA ÇOX XƏBƏR