Hadisə

Rusiya və Gürcüstanda qətl törətdilər, Bakıda tutuldular

30 Sentyabr 2015 13:41

Rusiyada və Gürcüstanda qətlə görə axtarışda olan azərbaycanlılar tutulub.

Daxili İşlər Nazirliyindən (DİN) Publika.az-a verilən məlumata görə, Baş Cinayət-Axtarış İdarəsi əməkdaşlarının həyata keçirdikləri əməliyyat-axtarış tədbirləri nəticəsində Rusiyada qətlə görə axtarışda olan Nicat Kiçibəyov tutulub.

Qeyd edək ki, N.Kiçibəyov barəsində Rusiya Federasiyası Cinayət Məcəlləsinin 103-cü maddəsi ilə (qəsdən adam öldürmə) axtarış elan edilib.

Nərimanov RPİ 16-cı PB əməkdaşlarının həyata keçirdikləri əməliyyat-axtarış tədbirləri nəticəsində isə Gürcüstan Respublikasında axtarışda olan Bakı şəhər sakini Eldar Əhmədov tutulub.

Qeyd edək ki, onun brəsində Gürcüstanın Cinayət Məcəlləsinin 108-ci (qəsdən adam öldürmə) və 239-cu (xuliqanlıq) maddələri ilə axtarış elan edilib.