• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Gəncədəki müəmmalı ölümün TƏFƏRRÜATI: Maşındakılar oğrular imiş

  • Hadisə
  • 4 May 2015 15:02
  • 1 554 Baxış
Gəncədəki müəmmalı ölümün TƏFƏRRÜATI: Maşındakılar oğrular imiş

Bir neçə gün öncə Gəncədə baş vermiş ağır yol qəzası ilə bağlı yeni məlumatlar üzə çıxıb.

Gəncə Şəhər Baş Polis İdarəsindən Publika.az-ın Qərb bürosuna verilən məlumata görə, mayın 3-də saat 6 radələrində şəhərin Totanlı küçəsində baş vermiş ölümlə nəticələnən avtomobil qəzasının təfərrüatı ortaya çıxıb.

Belə ki, hadisə yerindən qaçan sürücü Gəncə şəhər sakini Hakim Mehdiyev olub.

İstintaq zamanı o da məlum olub ki, avtomobildə olan 600 manat nağd pul , danışıq kartları, tütün məmulatı və məişət əşyaları Göygöl rayonunun Üçtəpə kəndində kənd sakini Bahar Abbasovaya məxsus mağazadan oğurlanıb.

Göygöl rayon polis şöbəsinin müstəntiqi Füzuli Yusifov Publika.az-a bildirib ki, oğurluq hadisəsi mayın 3-də gecə saatlarında baş verib. Kəlbəcər rayonundan məcburi köçkün olan B.Abbasova məxsus mağazadan 2 min 500 manatlıq tütün məmulatları, 300 manatlıq danışıq kartları və 600 manatdan artıq nağd pul oğurlanıb.

Hazırda polis sürücünü və oğurluqda iştirak edən digər şəxsi axtarır.

Xatırladaq ki, “VAZ- 21015” markalı avtomobil hərəkətdə olarkən idarəetmədən çıxaraq yol kənarındakı divara çırpılıb. Nəticədə, avtomobildə olan sərnişinlərdən biri, 1990-cı il təvəllüdlü Gəncə şəhər sakini Məhəmməd Seyidəli oğlu Əzizov aldığı xəsarət nəticəsində hadisə yerindəcə ölüb. Qəza baş verdikdən sonra sürücü və avtomobildə olan digər sərnişinlər hadisə yerindən qaçıblar.

Sami Süleymanlı

Xəbər lenti

DAHA ÇOX XƏBƏR