• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

İki maşının bir nömrəsi: Bakıda “Porşe” ilə polisi vuran kimdir? - FOTO

  • Hadisə
  • 18 May 2015 18:47
  • 2 539 Baxış
İki maşının bir nömrəsi: Bakıda “Porşe” ilə polisi vuran kimdir? - FOTO

Bakıda naməlum zəngin şəxs dəyəri yüz minlərlə dollar olan elit idman avtomobilində avtoxuliqanlıq edib və DYP əməkdaşlarını əvvəl əzib, sonra döyüb.

Virtualaz.org saytı az əvvəl yayılan bu xəbərlə bağlı kiçik araşdırma aparıb və maraqlı detallar əldə edib. Məlum olub ki, avtoxuliqanlıq əməlində istifadə olunan, 90 XU 555 dövlət nömrə nişanlı “Porşe Panamera”nın fotoları sosial şəbəkələrdə var. Fotoların birində bu avtomobil dövlət nömrə nişanlarının sonluqları “555” rəqəmi ilə bitən “Leksus” və “Mersedes GL” markalı elit avtomobillərlə birlikdə toy karvanında görünür. Digər fotodan isə məlum olur ki, 90 XU 555 nömrə nişanı yenə dəyəri yüz minlərlə dollar olan “Mersedes G63 AMG” avtomobilindədir. Həmçinin 90 XU 555 nömrə nişanlı “Porşe”nin İnstagramda bir neçə fotosuna rast gəlmək mümkündür. Fotolar “Bakının 1 nömrə avtomobilləri” adı altında təqdim olunur. Xatırladaq ki, Bakıda 10 YP 457 nömrəli avtomobillə xidmət aparan yol polisləri 90 XU 555 dövlət nömrə nişanlı “Porşe Panamera”ya “Saxla!” əmri veriblər.

Lakin “Porşe Panamera”nın sürücüsü avtomobili saxlamaq əvəzinə ərazidən uzaqlaşmağa çalışıb. Bundan sonra Bakının mərkəzi küçələrində əsl “qaçdı-tutdu” oyunu başlayıb. Amma “oyun” pis hadisə ilə sona çatıb. Belə ki, sürücünü saxlamağa çalışan Mirzəli adlı yol polisi xidməti avtomobilindən düşərək “Porşe Panamera”nın qarşısına keçib. Bu zaman avtoxuliqan polisi vurub və onun ayağının üstündən keçib. Bundan sonra köməyə çağırılmış 10 YP 317 və 10 YP 589 nömrəli yol polisi avtomobillərində xidmət aparan polislərin köməyi ilə “Porşe Panamera”nı saxlamaq mümkün olub. Saxlanılan sürücü avtomobildən düşərək polislərlə əlbəyaxa olub, onların birinin uniformasını tamamilə cırıb. Sürücü zərəsizləşdiriləndən sonra məlum olub ki, o, sərxoş imiş. Aznews.az-ın araşdırmasına görə, “Porşe Panamera” avtomobili Məmmədov Saqif Kamil oğlunun adınadır. O, avtomobili etibarnamə ilə Həsənov Vüsal Nizami oğluna verib. Polislə “oynayan” şəxs də elə Vüsal Həsənov olub.

Məsələ ilə bağlı əlavə məlumat əldə etmək üçün sayt DYP-nin ictimaiyyətlə əlaqələr şöbəsinin rəisi Vaqif Əsədovla əlaqə saxlayıb. Lakin V.Əsədov məzuniyyətdə olduğu üçün məsələdən xəbərsiz olduğunu və bu barədə açıqlama verə bilməyəcəyini deyib.

Xəbər lenti

DAHA ÇOX XƏBƏR