• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Təxribatçı mesajı yayan tələbə həbs olundu - RƏSMİ

  • Hadisə
  • 23 May 2015 11:54
  • 1 926 Baxış
Təxribatçı mesajı yayan tələbə həbs olundu - RƏSMİ

“Bakı 2015”oyunları ərəfəsində Azərbaycanda “təhlükəsizlik tədbirləri” haqqında yalan informasiyalar yayan şəxs həbs edilib.

Daxili İşlər Nazirliyinin mətbuat xidmətinin rəhbəri Sadiq Gözəlovun Publika.az-a verdiyi məlumata görə, ötən gün hüquq-mühafizə orqanlarının apardığı araşdırma nəticəsində həmin məlumatı yayan şəxs müəyyən edilib.

“Həmin şəxsin kimliyi müəyyənləşib. Ötən gün məhkəmənin qərarı ilə 1995-ci il təvəllüdlü, Azərbaycan Texniki Universitetinin 3 kurs tələbəsi Mehdi Əliquliyev həbs edilib. Xırda xuliqanlıqda ittiham edilən M.Əliquliyev 20 sutkalıq həbs edilib”.

Qeyd edək ki, son günlər “Facebook” və “Whatsapp” istifadəçilərinin şəxsi mesaj qutularına “Bakı 2015” Avropa Oyunlarında “təhlükəsizlik tədbirləri” haqqında informasiyalar göndərilib.

Azərbaycan vətəndaşlarına müraciət edilərək ehtiyatlı olmaları ilə bağlı xəbərdarlıq edilir və bir neçə gün əvvəlki yanğın hadisəsi kimi hadisələrin yenə baş verəcəyi istisna edilmir. Müraciətdə vətəndaşlara təhlükə anında DİN və MTN-in məlum xidməti nömrələri ilə əlaqə saxlamaq tövsiyə olunur.

Gülxar

Xəbər lenti

DAHA ÇOX XƏBƏR