İdman
DÇ-2018: Səbətlər məlumdur
FİFA milli komandaların növbəti reytinq cədvəlini açıqlayandan sonra DÇ-2018-in Avropa zonası üzrə seçmə mərhələsinin püşkatması zamanı yığmaların yer alacağı səbətlər müəyyənləşib.
Publika.az xəbər verir ki, qitənin 52 yığmasının səbətlərdəki tərkibi yeni reytinq siyahısından sonra dəqiqləşib. Əsasnaməyə uyğun olaraq, püşk zamanı Avropa milliləri 6 səbətə bölünəcək. Bunların 5-də 9, sonuncuda 7 yığma yer alacaq.
DÇ-2018-in meydan sahibi Rusiya və FİFA-nın üzvü olmadığından yarışa buraxılmayan Cəbəllütariqdən başqa, UEFA-ya daxil olan bütün ölkələr seçmə mərhələdə iştirak edəcək. Onlar səbətlərə FİFA reytinqindəki sıralamaya əsasən bölünəcək.
Rusiya nəzərə alınmamaqla, Avropanın 9 ən yaxşısı 1-ci, 10-18-ci yerlərdə qərarlaşanlar 2-ci, 19-27-ci pillələrdəkilər 3-cü, 28-36-cı yerdə olanlar 4-cü səbətə daxil ediləcək.
Bugünkü siyahıda 108-ci, UEFA təmsilçiləri arasında 43-cü olan Azərbaycan isə 5-ci səbətdə yer alacaq. Burada Avropa yığmaları arasında 37-45-ci olanlar qərarlaşacaq. Son 7 yerin sahibi isə 6-cı səbətə daxil ediləcək.
Püşk komandaları yeddisində altı, ikisində beş komanda olmaqla 9 qrupa böləcək.
1-ci səbət
Almaniya, Belçika, Hollandiya, Portuqaliya, Rumıniya, İngiltərə, Uels, İspaniya, Xorvatiya
2-ci səbət
Avstriya, Slovakiya, İtaliya, İsveçrə, Çexiya, Fransa, İslandiya, Danimarka, Bosniya və Herseqovina
3-cü səbət
Ukrayna, Şotlandiya, Polşa, Macarıstan, İsveç, Albaniya, Şimali İrlandiya, Serbiya, Yunanıstan
4-cü səbət
Türkiyə, Sloveniya, İsrail, İrlandiya, Norveç, Bolqarıstan, Farer adaları, Monteneqro, Estoniya
5-ci səbət
Kipr, Latviya, Ermənistan, Finlandiya, Belarus, Makedoniya, AZƏRBAYCAN, Litva, Moldova
6-cı səbət
Qazaxıstan, Lüksemburq, Lixtenşteyn, Gürcüstan, Malta, San-Marino, Andorra
Qeyd edək ki, DÇ-2018-in seçmə mərhələsinin püşkatma mərasimi iyulun 25-də Rusiyanın Sankt-Peterburq şəhərində keçiriləcək.
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!