İdman
Xanımlardan mesaj alan Avropa çempionumuz: “Gözlərində qəhrəmana çevrilmişdim” - FOTO
Azərbaycanlı yüngül atlet Nazim Babayev İsveçin Eskilstuna şəhərində keçirilən atletika üzrə Gənclərin Avropa çempionatında qızıl medal qazanıb. Atletimiz uzunluğa tullanma yarışlarında 17.04 m nəticə göstərərək yeni rekord əldə edib.
Bununla da o, 2016-cı ildə Rio-de-Janeyroda keçiriləcək Yay Olimpiya Oyunlarına lisenziya qazanıb.
Azərbaycana rekordla qayıdan idmançımız Publika.az-a müsahibəsində ona gələn mesajlardan danışdı.
- Sizi təbrik edirik. Avropa Oyunlarında yaxşı çıxış etsəniz də, komandaya görə medalsız qalmışdınız. Amma bu yarışda özünüzü bir daha sübut etdiniz. Qələbə medalını boyununuzdan asmaq necə hisdir?
- Qələbəmlə bağlı onu deyə bilərəm ki, bu yarışa çox ciddi hazırlaşmışdım. Bu yarışdan öncə Avropa Oyunlarında 1-ci yeri tutsam da, komanda hesabında 5-ci olmuşduq. Ona görə də medal ala bilməmişdim. Yarışdan öncə yaxınlarıma söz verdim ki, oradan mütləq qızıl medal alacam. Çox yaxşı formada olduğum üçün özümə güvənirdim, hər şey yaxşı alındı.
- Sizi vətəndə necə qarşıladılar?
- 17.04 metr nəticə göstərdikdən sonra təkcə Bakıdan deyil, bütün dünyadan mənə təbrik mesajları gəlirdi. Bakıya gələndə məni çox yaxşı qarşıladılar. Necə deyim, bilmirəm. Amma xalqımızın gözündə sanki bir “qəhrəmana” çevrilmişdim.
- Qəhrəman kimi sevilmək necə hisdir?
- Çox gözəl... Çünki mən təkcə öz yaxınlarımın, müəllimimin, federasiyanın deyil, bütün Azərbaycanın adını yüksəyə qaldırdım. Bir idmançıyla Avropa çempionatında təmsil olunmağımıza baxmayaraq, Azərbaycanın bayrağını yüksəklərə qaldırdım.
- Medaldan başqa mükafatınız nə oldu?
- Hələ ki, heç nə... Sabah federasiya prezidenti bizi qəbul edəcək.
- Pul mükafatı ilə bağlı da xəbəriniz yoxdur?
- Heç nə olmayıb hələ...
- Deyirsiz ki, çoxlu təbrik mesajları almısız... Bəs bu mesajlar arasında xanım azarkeşlərin də təbrikləri var idi?
- (gülür) Əlbəttə, var idi.
Aygün İlqarqızı
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ
-
Nida Xəbər 13:10
Paşinyan 5 saatlıq qapalı görüşdə 4 kəndlə bağlı nələr deyib?
-
Sosial12:57
Əhaliyə şad xəbər: bu evlər ucuzlaşacaq
-
Magazin112:22
Məleykə Əsədovanın görün neçə yaşı oldu
-
Region11:42
Nikolyanı Ermənistana buraxmadılar: Qarabağda yaralanmışdı, Qazaxla sərhəddə...
-
Nida Xəbər 11:32
Ermənistan polisi Bağanis-Voskepar yolunu bağladı