• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

AFFA jurnalist Rasim Əliyevin ölümü ilə bağlı bəyanat yaydı

  • İdman
  • 10 Avqust 2015 14:00
  • 395 Baxış
AFFA jurnalist Rasim Əliyevin ölümü ilə bağlı bəyanat yaydı

AFFA jurnalist Rasim Əliyevin ölümü ilə bağlı bəyanat yayıb.

Publika.az AFFA-nın internet saytına istinadən xəbər verir ki, bəyanatda qeyd edilib ki, avqustun 8-də Bakı şəhərində şəxsiyyəti hüquq-mühafizə orqanları tərəfindən müəyyənləşdirilməkdə olan bir qrup şəxs tərəfindən jurnalist Rasim Əliyev fiziki təzyiqə məruz qalaraq ağır bədən xəsarətləri alıb, avqustun 9-da səhər saatlarında müalicə aldığı xəstəxanada vəfat edib.

Azərbaycan Futbol Federasiyaları Assosiasiyası (AFFA) mətbuat nümayəndəsinə qarşı yol verilmiş zorakılığı ölkə futbol ictimaiyyəti adından kəskin şəkildə pisləyir: “AFFA hüquq-mühafizə orqanları tərəfindən hadisənin günahkarlarının ən qısa zamanda müəyyənləşdirilərək məsuliyyətə cəlb olunacağına inanır, mərhum jurnalistin ailəsinə və yaxınlarına dərin hüznlə başsağlığı verir”.

Xəbər lenti

DAHA ÇOX XƏBƏR