İdman

Dubay şeyxi: “Qəbələni çox bəyənirəm” - FOTO

11 Avqust 2015 20:07

“Biz bu yarışda medal qazana bilmədik, təbii haldır. Lakin bir yarışçımız Braziliyadakı növbəti Dünya Kubokuna lisenziya qazanıb”.

Bu sözləri axar.az-a Dubay şeyxi Səid Bin Məktum açıqlamasında deyib.

Səid Bin Məktum yarışın təşkilatçılğını çox bəyəndiyini deyib:

“Təşkilatçılığı çox bəyəndim, hər şey yüksək səviyyədə hazırlanıb. Keçən ilki Dünya Kuboku Münhen şəhərində keçirilmişdi. O da möhtəşəm idi, amma hava şəraitinə görə buranı daha çox bəyəndim. Burda hava işıqlı, təbiəti də əlverişlidir.

Mən bütün təşkilatçılara və bu möhtəşəm tədbirin təşkilində əməyi keçən hər kəsə təşəkkür edirəm, çox yaxşı ediblər. Təbii xırda detallar var idi ki, ani vaxtda axsamalar oldu. Biz cənnətdə yaşamırıq ki, hər şey ideal olsun. Bunu unutmayaq. Bir daha təşəkkür edirəm”.