• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Çempionlar Liqası: Meydan sahiblərinin günü

  • İdman
  • 19 Avqust 2015 10:35
  • 302 Baxış
Çempionlar Liqası: Meydan sahiblərinin günü

Çempionlar Liqasının pley-off mərhələsinin ilk oyunlarına start verilib.

Publika.az xəbər verir ki, mərhələyə Qazaxıstanda start verilib. Yerli "Astana" Kipr APOEL-ini minimal hesabla məğlub edib - 1:0.

Günün ən maraqlı qarşılaşmalarından biri də İngiltərədə baş tutub. Burada keçən mövsüm ÇL-dən kənarda qalan "Mançester Yunayted" Belçika "Brügge"sini qəbul edib. Mankunianlar oyunun ilk dəqiqələrində hesabda geri düşsə də, sonradan Depayın dublu, Fellaininin isə son dəqiqə qoluyla 3:1 hesabıyla qalib gəliblər.

Digər maraqlı oyunda isə "Latsio" "Bayer"lə qarşılaşıb. Romalılar Keytanın matçın 77-ci dəqiqəsində vurduğu qolla minimal hesablı qələbəyə seviniblər.

Maraqlıdır ki, ÇL-in pley-off mərhələsinin ilk 5 oyunundan sonra cavab oyunu öncəsi böyük üstünlük əldə edən komanda olmayıb.

Çempionlar Liqası, pley-off mərhələsi

18 avqust

Astana (Qazaxıstan) - APOEL (Kipr) 1:0

Colçiyev, 14.

BATE (Belarus) - Partizan (Serbiya) 1:0

Qordeyçuk, 75.

Latsio (İtaliya) - Bayer (Leverkuzen, Almaniya) 1:0

Keyta, 77.

Mançester Yunayted (İngiltərə) - Brügge (Belçika) 3:1

Depay, 13; 43. Fellaini, 94 - Kerrik, 8-avtoqol.

Sportinq (Portuqaliya) - ÇSKA (Rusiya) 2:1

Qutyerres, 12. Slimani, 82 - Dumbia, 40.

Xəbər lenti

DAHA ÇOX XƏBƏR