• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

“Qəbələ” 22, “Qarabağ” 6 pillə irəlilədi

  • İdman
  • 28 Avqust 2015 12:54
  • 441 Baxış
“Qəbələ” 22, “Qarabağ” 6 pillə irəlilədi

Avrokubokların pley-off mərhələsinin cavab oyunlarından sonra UEFA klubların reytinq siyahısını açıqlayıb.

Publika.az xəbər verir ki, 456 komandanın yer aldığı cədvəldə Azərbaycanın 7 təmsilçisi var.

Klublarımız arasında ən yaxşı nəticə “Qarabağ”a məxsusdur. Hesabına 0,475 xal əlavə edən ağdamlılar aktivini 12,225-ə çatdırıb. Azərbaycan çempionu bu nəticə ilə 6 pillə irəliləyib - 127-ci yer.

“Neftçi” 9,475 xalla 1 addım geriləyərək, 160-cı pilləyə enib. 5,225 xalı olan “İnter” 3 addım irəliləyib və 249-cu yerə qalxıb.

“Qəbələ” əmsalını 4,975-ə çatdırıb. Bununla, “qırmızı-qaralar” 279-cu pillədən 257-ciyə sıçrayıb. “Qırmızı-qaralar” irəli 22 addım atıb.

Cari mövsümdə avrokuboklara qatılmayan təmsilçilərimizdən “Xəzər Lənkəran” (4,225) 288-ci, “Bakı” və AZAL (hər ikisi 2,975) 341-ci yerə şərikdir.

Qeyd edək ki, siyahıya 143,028 xalı olan İspaniya “Real”ı başçılıq edir.

Xəbər lenti

DAHA ÇOX XƏBƏR