• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Gəncəlilər bu günü çox arzulayırdı

  • İdman
  • 14 Sentyabr 2015 11:54
  • 332 Baxış
Gəncəlilər bu günü çox arzulayırdı

Azərbaycan Premyer Liqasının 4-cü turu üçün azarkeş sayı məlum olub.

Publika.az xəbər verir ki, 4-cü turun və mövsümün azarkeş rekordu Gəncədə qeydə alınıb. Belə ki, Gəncə şəhər stadionunda keçirilmiş "Kəpəz" - AZAL (1:0) oyununu 13200 tamaşaçı izləyib ki, bu da həm cari mövsümün, həm də 4-cü turun rekordu olub. Xatırladaq ki, bundan əvvəlki rekord da Gəncəyə məxsus idi. Belə ki, Premyer Liqanın 2-ci turunun "Kəpəz" - "Zirə" oyununda (1:1) 12500 tamaşaçı qeydə alınmışdı ki, bu da son turadək ən yüksək göstərici idi.

4-cü turda ən az azarkeş isə "Bayıl Arena"da qeydə alınıb. Burada keçirilmiş "Rəvan" - "Neftçi" matçını (1:3) cəmi 500 tamaşaçı izləyib.

Turun mərkəzi oyunlarından hesab edilən "Qarabağ" - "Xəzər Lənkəran" matçını (1:0) 1200, "İnter" - "Qəbələ" qarşılaşmasını (2:1) isə 1000 tamaşaçı tribunalardan izləyib.

Sumqayıtda yerli komandayla "Zirə"nin qarşılaşmasında isə 1500 azarkeş olub.

Ümumilikdə, turun 5 oyununu cəmi 17400 azarkeş izləyib ki, bu da hər oyuna orta hesabla 3480 tamaşaçı deməkdir. Bu isə cari mövsüm üçün ən yüksək göstəricidir. Bunadək ən yüksək orta azarkeş sayı 2-ci turda qeydə alınmışdı (3266 tamaşaçı).

Xəbər lenti

DAHA ÇOX XƏBƏR