• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Azərbaycanda Federasiya Kuboku keçirilib

  • İdman
  • 26 Mart 2014 19:20
  • 408 Baxış
Azərbaycanda Federasiya Kuboku keçirilib

Azərbaycan Velosiped İdmanı Federasiyasının illik təqvim-planına əsasən, bu gün mounten bayk (dağ velosipedi) üzrə Açıq Federasiya Kuboku yarışı keçirilib.

Federasiyadan Publika.az-a verilən məlumata görə, turnir gələn il Azərbaycanın qəbul edəcəyi ilk Avropa Oyunlarının mounten bayk yarışlarının keçirilməsi planlaşdırılan ərazidə baş tutub.

Beynəlxalq Velosipedçilər İttifaqının qaydalarına əsasən təşkil olunan yarışda 30-a yaxın idmançı iştirak edib. Onlar hər biri 3,5 km-dən ibarət 4 dövrədə mübarizə aparıblar.

Nəticələrə gəlincə, "Synergy Baku" kontinental velosiped komandasının üzvü, özünü mounten bayk yarışlarında sınayan Aqşin İsmayılov bu növdə də bacarıqlı olduğunu sübut edib. O bütün rəqiblərini qabaqlamaqla Federasiya Kubokunun qalibi olub. 2-ci yeri Aqşin Bağırlı, 3-cü yeri isə Orxan Məmmədov tutub. Qaliblər Azərbaycan Velosiped İdmanı Federasiyası tərəfindən medal və pul mükafatı ilə təltif ediliblər.

Xəbər lenti

DAHA ÇOX XƏBƏR