İdman

Berluskoni: “Sizin “Milan”a heyfiniz gəlir?”

27 Mart 2014 16:39

İtaliya çempionatı. Silvio Berluskoni: “”Milan”-ı bu vəziyyətdə görmək məni də təəssüfləndirir”.

“Milan” klubunun sahibi Silvio Berluskoni “İrəli, İtaliya!” siyasi partiyasının üzvləri ilə görüşüb və onlardan kimin “rossoneri”ləri dəstəklədiyini soruşub.

Publika.az xəbər verir ki, “Milan” klubunun 77 yaşlı prezidenti kluba hər il özünün 50 milyon avro vəsaitini yatırdığını etiraf edib.

Partiya üzvləri arasında “rossoneri”lərin kifayət qədər azarkeşlərini gördükdə Silvio sakitləşib. Lakin, klubun yaralı yeri haqqında danışmaq üçün cəsarətini toplayan bir nəfər tapılıb.

İştirakçılardan gələn etiraza cavab olaraq Berluskoni deyib: “Sizin “Milan”a heyfiniz gəlir? Fikirləşin, onda görün, mənim nə qədər heyfim gəlir. Mən hər il kluba 50 milyon avro yatırıram!”

Qeyd edək ki, “qırmızı-qaralar” A seriyasında 29 oyundan sonra 36 xalla turnir cədvəlinin 12-ci pilləsində qərarlaşıb.

Camalə