• USD 1,7001 0,00% EUR 2,0087 0,00%
    • GBP 2,2277 0,00% RUB 0,0296 0,00%

Zəhmli baxışlar davaya çevrildi - VİDEO

  • İdman
  • 4 May 2016 18:56
  • 919 Baxış
Zəhmli baxışlar davaya çevrildi - VİDEO

Britaniyalı boksçu Derek Çisora ilə bolqarıstanlı Kubrat Pulev arasında keçiriləcək döyüş öncəsi mətbuat konfransında insident yaşanıb.

Publika.az xəbər verir ki, mayın 3-də Almaniyanın Hamburq şəhərində təşkil olunan konfransda idmançıların ənənəvi baxış dueli olub. Bu zaman Çisora Pulevin başını tutaraq boynunu sıxmaq istəyib. Dərhal mühafizəçilər işə qarışıb və insidentin böyüməsinə imkan verməyib.

“Mən zarafat etmirəm. Bura qalib olmaq üçün gəlmişəm. Pulevi indiyədək görmədiyi dərəcədə əzişdirəcəm. Onu təslim olmağa məcbur edəcəm. Onun boksunda qeyri-adi heç nə yoxdur. Ancaq o, hələ mənim kimi boksçu ilə döyüşməyib. Onu nokauta salacam”, - deyə Çisora bildirib.

Pulev də britaniyalı rəqibini cavabsız qoymayıb: “O, məni qorxuda bilməz. İndi nə istəyir, danışsın. Rinqdə belə sözlər ona kömək etməyəcək”.

EBU (Avropa Boks İttifaqı) versiyası üzrə Avropa çempionu titulu uğrunda Çisora – Pulev döyüşü mayın 7-də keçiriləcək.

32 yaşlı Çisoranın aktivində 25 qələbə (17 nokaut) və 5 məğlubiyyət var. 35 yaşlı Pulev isə karyerası ərzində keçirdiyi 23 döyüşün 22-də qələbə (12 nokaut) qazanıb. Yalnız bir dəfə məğlub olan bolqarıstanlı boksçu 2014-cü ilin noyabrında WBA (Ümumdünya Boks Assosiasiyası), WBO (Ümumdünya Boks Təşkilatı) və IBF (Ümumdünya Boks Federasiyası) kəmərləri uğrunda Vladimir Kliçko ilə döyüşdə 5-ci raundda nokauta düşmüşdü.

Загрузка...

Xəbər lenti

DAHA ÇOX XƏBƏR
/body>