• USD 1,7003 0,00% EUR 2,0080 0,00%
    • GBP 2,2601 0,00% RUB 0,0297 0,00%

Olimpiadanın talismanı təqdim olundu - Ermənilər də Bakıya gələcək

  • İdman
  • 24 May 2016 17:36
  • 415 Baxış
Olimpiadanın talismanı təqdim olundu - Ermənilər də Bakıya gələcək

Bakı Kristal Zalında 42-ci Ümumdünya Şahmat Olimpiadasına 100 gün qalması münasibətilə gerisayım tədbiri keçirilib.

Publika.az xəbər verir ki, tədbirdə gənclər və idman naziri Azad Rəhimov Azərbaycanda çox səviyyəli, mötəbər yarışların keçirildiyini deyib:

"Azərbaycana 180 ölkə nümayəndəsi gələcək. Bu, ölkəni dünyaya tanıtdırmaq üçün çox gözəl fürsətdir. Dünyanın intellektli insanları Bakıya gələcəklər. Bu, Azərbaycanda şahmatın inkişafına təkan verən yarışdır. Qürurla deyə bilərik ki, Azərbaycan idman, şahmat ölkəsidir, ölkəmizin adı daim dünyanın şahmat ölkələri sırasında çəkilir".

Nazir hazırlıq işlərinin öz axarı ilə davam etdiyini və Olimpiadanın yüksək təşkilatçılıq səviyyəsi ilə fərqlənəcəyini söyləyib.

FİDE prezidenti Kirsan İlümjinov 100 gün qalmış hər şeyin hazır olduğunu və artıq indidən Olimpiadanın keçirilməsinin mümkünlüyünü vurğulayıb. İlümjinov 1-14 sentyabrda keçiriləcək yarışın ölkə sayı baxımından tarixə düşəcəyini söyləyib:

"Hazırda rekord sayda ölkədən müraciətlər gəlir. İnanıram ki, 178 ölkənin hamısı Olimpiadaya gələcək. Bu da Yay Olimpiya Oyunlarından sonra ikinci böyük yarış olacaq. 2008-ci ildə ilk dəfə Azərbaycanda Şahmatın İnkişafına dair Dövlət Proqramı imzalanıb. Prezident İlham Əliyevin imzaladığı bu sərəncam digər ölkələrə nümunə ola bilər".

Azərbaycan Şahmat Federasiyasının prezidenti Elman Rüstəmov tədbirdə bildirib ki, Ümumdünya Şahmat Olimpiadası kimi yarışların keçirilməsi Azərbaycan üçün adi hala çevrilməklə yanaşı, həm də əlamətdar hadisə sayılır:

"Azərbaycan 3 komanda ilə təmsil olunacaq. Olimpiadanın Bakıda keçirilməsi şahmatda son dövrlərdə əldə olunan müvəffəqiyyətlərə bir qiymətdir. Azərbaycan yığması son illər Avropa çempionatında uğurla çıxış edir. İki qızıl, eləcə də gümüş və bürünc medallar qazanmışıq. Şahmat dövlət siyasətinə çevrilir. Biz Olimpiadada heç də iştirak xatirinə iştirak etməyəcəyik. Komandamız yarışa ciddi hazırlaşır. İnanıram ki, çox müvəffəqiyyətlə çıxış edəcəyik. Əminik ki, 42-ci Ümumdünya Şahmat Olimpiadası ən yaxşı Olimpiada olacaq".

Tədbir çərçivəsində Bakıda keçiriləcək Ümumdünya Şahmat Olimpiadasının talismanı təqdim olunub. Talismana "ChessMan" adı qoyulub. Talismanı Olimpiadanın Əməliyyat Komitəsinin icraçı direktoru Mahir Məmmədov təqdim edib.

Ermənistan şahmatçıları da Bakıda keçiriləcək Ümumdünya Şahmat Olimpiadasında iştirak edəcəklər. Bu barədə Beynəlxalq Şahmat Federasiyasının (FİDE) prezidenti Kirsan İlümjinov jurnalistlərə açıqlamasınmda bildirib:

"Bir neçə gün öncə Ermənistan prezidenti və ölkənin Şahmat Federasiyasının prezidenti Serj Sarksyanla görüşdüm. Habelə, kapitan Levon Aronyanla birgə nahar etdik. Bu günə olan məlumata görə, onlar Bakıdakı Şahmat Olimpiadasında iştirak edəcəklər. Hətta Aronyan ötən il Bakıda Dünya Kubokunda iştirak etdiyini də xatırlatdı".

O, ermənistanlı jurnalistləri Olimpiadaya dəvət etdiyini də açıqlayıb.

Qeyd edək ki, Ümumdünya Şahmat Olimpiadası sentyabrın 1-14-də keçiriləcək.

Загрузка...

Xəbər lenti

DAHA ÇOX XƏBƏR
/body>