İdman

Liverpul”un ulduzu “Rəvan”la “Sumqayıt”ı təkbaşına üstələdi

18 Yanvar 2014 12:16

"Liverpul"un futbolçusu Luis Suares İngiltərə Premyer Liqsında qolları sıralayır.

Publika.az xəbər verir ki, uruqvaylı hücumçu cari mövsümdə 22 qol vurub. Bu, Avropanın 5 böyük çempionatındakı 38 komandanın göstəricisindən daha çoxdu.

Suares İspaniyada 10, İtaliyada 9, Fransada 8, İngiltərədə 6, Almaniyada isə 5 komandanı qabaqlayıb. Uruqvaylı ulduz "Norviç"lə matçda 4, "Vest Bromviç"lə oyunda 3 qol vurub. "Sanderlend", "Fulhem", "Vest Hem", "Tottenhem", "Kardiff Siti" və "Stok Siti" matçlarında dubl edən futbolçu "Kristal Palas", "Hall Siti" və "Everton"u bir dəfə məyus edib. 26 yaşlı ulduz 22 qoldan 16-sına sağ ayaqla, 3-nə sol ayaqla, daha 3-nə isə başla imza atıb.

Suares Azərbaycan Premyer Liqasında 5 klubu qabaqlayır. Belə ki, uruqvaylı futbolçu "Simurq" (19 qol), AZAL (17), "Xəzər Lənkəran" (16), "Sumqayıt" (11) və "Rəvan"dan (9) daha çox qol vurub. Hətta "Sumqayıt"la "Rəvan" birlikdə ondan daha az qola imza atıb - 20 top.

Publika.az