Küveytə gedən futbolçunu Braziliyaya buraxmadılar
Bizi izləyin

İdman

Küveytə gedən futbolçunu Braziliyaya buraxmadılar

Küveytə gedən futbolçunu Braziliyaya buraxmadılar

Braziliyanın “Atletiko Mineyro” klubu məşhur fransız futbolçu Nikolya Anelka ilə müqaviləni birtərəfli qaydada pozub.

Publika.az xəbər verir ki, “Vest Bromviç”dən qalmaqallı şəkildə ayrılan Anelka aprelin 4-də Braziliya klubu ilə müqavilə bağlamışdı. Ancaq ulduz futbolçu bu komandanın heyətində bir oyuna belə çıxmadan qovulub. “Atletiko Mineyro”nun idman direktoru Edurad Malufa məsələni belə şərh edib: “Onun agentindən məktub aldıq. Məktubda qeyd olunurdu ki, hazırda Küveytdə olan Anelka klubun düşərgəsinə yalnız aprelin 19-da qoşula bilər. Biz hesab edirik ki, futbolçu bizi vaxtında məlumatlandırmalıydı. Bunu klubun prezidenti Aleşandr Kalilomla müzakirə etdik və qərara gəldik ki, “Atletiko Mineyro”nun dəyəri hər hansı bir futbolçunun dəyərindən qat-qat yüksəkdir. Elə ona görə də onunla müqaviləni birtərəfli qaydada ləğv etdik”.

Oxumağa davam et
Reklam
Reklam

Gündəm