Bu gün Bakıda bədii gimnastika üzrə Azərbaycan
çempionatı keçirilib.
Sayca 21-ci olan çempionat yeni tikilmiş Milli Gimnastika
Arenasında baş tutub.
Yarışlarda 22 senior gimnast, həmçinin 1999-2001-ci il təvəllüdlü
idmançılar da iştirak ediblər. Gimnastlar mütləq çoxnövçülükdə, o
cümlədən ayrı-ayrı növlər üzrə medallar uğrunda yarışıblar.
Yarışlarda Respublika Kompleks İdman Məktəbi və "Baku Flames"
klubunun gimnastları ilə yanaşı, "Neftçi", Bakı Gimnastika Məktəbi,
"Spartak", Şağan OİK və "Ocaq Sport Klubu"-nun idmançıları da
iştirak ediblər.
Turnirdə, həmçinin Bakıda təlim-məşq toplanışlarında olan
Macarıstan və Qazaxıstan gimnastlarının müsabiqədənkənar çıxışları
olub.
Çoxnövçülükdə Marina Durunda ikinci dəfə Azərbaycan çempionu adını
qazanıb. Çempionatın gümüş medalını Lalə Yusifova əldə edib. Bürünc
medala isə Gülsüm Şəfizadə sahib çıxıb.
İdmançılar çıxışlarını başa vurduqdan sonra qala-konsert və
qaliblərin mükafatlandırılması mərasimi keçirilib.
Azərbaycan çempionatının nəticələri belədir:
Yuniyorlar:
Halqa ilə hərəkətlər:
1. Jalə Piriyeva
2. Züleyxa İsmayılova
3. Zöhrə Ağamirova
Topla hərəkətlər:
1. Züleyxa İsmayılova
2. Jalə Piriyeva
3. Zöhrə Ağamirova
Gürzlərlə hərəkətlər:
1. Jalə Piriyeva
2. Züleyxa İsmayılova
3. Ruqiyyə Səttarova
Lentlə hərəkətlərdə:
1. Züleyxa İsmayılova
2. Jalə Piriyeva
3. Ruqiyyə Səttarova
Çoxnövçülükdə:
1. Züleyxa İsmayılova
2. Jalə Piriyeva
3. Ruqiyyə Səttarova
Böyüklər:
Halqa ilə hərəkətlər:
1. Lalə Yusifova
2. Marina Durunda
3. Nilufər Niftəliyeva
Topla hərəkətlərdə:
1. Marina Durunda
2. Lalə Yusifova
3. Gülsüm Şəfizadə
Gürzlərlə hərəkətlərdə:
1. Marina Durunda
2. Gülsüm Şəfizadə
3. Ayşən Bayramova
Lentlə hərəkətlərdə
1. Gülsüm Şəfizadə
2. Lalə Yusifova
3. Nilufər Niftəliyeva
Çoxnövçülükdə:
1. Marina Durunda
2. Lalə Yusifova
3. Gülsüm Şəfizadə
Çempionatın Milli Gimnastika Arenasında keçirilməsi və 13-15 iyun
tarixlərində təşkil olunacaq bədii gimnastika üzrə Avropa
çempionatı öncəsi test-turniri xarakteri daşıması yarışlara olan
marağı daha da artırıb.
21-ci Azərbaycan çempionatı yeni tikilmiş Milli Gimnastika
Arenasında keçirilən ilk turnir olub. Yarışa bir neçə gün qalmış
baş tutan bu möhtəşəm idman kompleksinin açılışında Azərbaycan
Prezidenti İlham Əliyev və ölkənin birinci xanımı, Azərbaycan
Gimnastika Federasiyasının prezidenti Mehriban Əliyeva iştirak
ediblər.
İdman infrastrukturunun daha da gücləndirilməsi ilə bağlı həyata
keçirilən tədbirlərin mühüm tərkib hissəsi olan Milli Gimnastika
Arenasının tikintisi də beynəlxalq əhəmiyyətli idman yarışlarının
yüksək səviyyədə təşkili üçün geniş imkanlar açır.
Kompleksin fasadı xüsusi formada işlənib. Burada maraqlı
illüminasiya elementləri təqdim edən ekranlar quraşdırılıb. Əsasən
gimnastika yarışları üçün nəzərdə tutulan arenanın əhəmiyyətini
artıran mühüm amillərdən biri də buranın digər idman tədbirlərinin
və yarışlarının da keçirilməsi üçün uyğunlaşdırılmasıdır.
Gimnastika zalı əsas yarış və köməkçi məşq hissələrindən ibarətdir.
Yarışların miqyasından asılı olaraq, arenanın əsas hissəsində
oturacaq yerlərinin sayını 5 mindən 10 minə qədər artırmaq
mümkündür. Dünya standartlarına uyğun inşa olunan kompleksdə
mətbuat mərkəzi, ilk tibbi yardım məntəqəsi, xoreoqrafiya, trenajor
zalları, dopinq nəzarəti, inzibati otaqlar, mağazalar, kafelər və
digər yardımçı sahələr yerləşir. Dünyanın ən yaxşı gimnastika
komplekslərindən biri olacaq bu idman qurğusunda hotel də
yaradılıb.
Burada idmançılar üçün hər cür şərait yaradılmışdır.
|