İdman
Rəşad Sadıqov “Fiorentina”ya qarşı oynayacaq?
Avropa Liqasının qrup mərhələsinin son turu çərçivəsində sabah “Fiorentina”nı qəbul edəcək “Qarabağ”ın baş məşqçisi Qurban Qurbanov oyunöncəsi mətbuat konfransında jurnalistlərin suallarını cavablandırıb.
Komanda.az xəbər verir ki, Qurbanov öncə bunları deyib:
- Qrupda son oyunumuzdu. Hər bir oyun digərindən vacibdi. Bu oyun isə bütün oyunlardan vacibdi. Başa düşürük ki, əlimizdə böyük bir şans var. Bundan istifadə etmək istəyirik. Baxmayaraq ki, rəqib “Fiorentina”dı. Bu komandayla oynamaq çox çətindi. Çox istərdik ki, nəticə bizim xeyrimizə olsun. Diqqətli olmalıyıq. Bu oyunda digər oyunlardan daha diqqətli olmalıyıq. Əvvəlki oyunlardakı səhvləri etməməliyik. Məncə, futbolçuların üzərinə böyük yük düşəcək. Sabaha kimi vaxtımız var. Çalışacağıq ki, əlimizdən gələnin ən yaxşısını edək.
- Bu günə kimi böyük ölkələrin təmsilçilərinə qarşı heç
də pis oynamamışıq. Sabah “Qarabağ”a nə mane ola
bilər?
- Belə oyunlarda daha çox rəqib bizə mane olur. Rəqibin təcrübəsi
əsas rol oynayır. “Fiorentina” elə komandadı ki, daim fərqli-fərqli
hücumlar qurur. Rəqibin gücü bizə mane ola bilər. Yeni məşqçi
gələndən sonra bu komanda bir qədər fərqli oynayır. Biz bilirik ki,
italyan klubları topla oynamağı o qədər də xoşlamır. “Fiorentina”
isə bu mənada fərqlənir. Ancaq biz mübarizədən qaçmırıq.
- Sabah Rəşad Sadıqov oynayacaq?
- Oynamaq ehtimalı var. Bu barədə qərarı özü verəcək. PAOK-a qarşı
oyunda özüm israr etmişdim ki, oynasın. Amma indi diz zədəsi var.
İstəyərəm ki, oynasın. Amma yekun qərarı özünə buraxacam. Özü
oynamaq istəsə, meydana buraxacam.
- Psixoloji amil sabahkı oyuna nə dərəcədə təsir edə
bilər?
- Futbol elə oyundu ki, daim hazır olmalısan. Psixoloji amil
sabahkı oyuna təsir edə bilər. Bu hamısı məsuliyyətdən irəli gəlir.
İdmançı məğlub olmaqdan qorxmur. Bizim azarkeşlərimiz bizdən də çox
nəticə qazanmağımızı istəyir. Həmişə məğlub olmaqdan daha çox,
azarkeşləri kədərləndirməkdən qorxmuşam. Düşünürəm ki, psixoloji
amil bizim xeyrimizə olacaq.
- İki il öncə də son turda italyan klubu “İnter”lə
qarşılaşmışdız. Bu oyunda hakim haqsızlığı ilə bağlı narahat
deyilsiz ki?
- Həmin oyun bir qədər fərqli idi. “İnter” növbəti mərhələyə
vəsiqəni təmin etmişdi. İndi isə daha çətindi. O ki qaldı
hakimliyə, həmişə hakimlik barədə danışmıram. Bizim hakim barədə
düşünməyə vaxtımız yoxdu.
- Bu oyunla paralel olaraq PAOK - “Slovan” oyunu
keçiriləcək. “Qarabağ”ın qrupdan çıxmasında həmin oyunun nəticəsi
də əsas rol oynaya bilər...
- O oyunu da diqqətdə saxlayacağıq. Həmin oyundakı nəticəylə bağlı
mənə məlumat verəcəklər.
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov
-
Səhiyyə18 Mart 18:40
Azərbaycanda dərmanlarla bağlı YENİ QAYDA