"Qəbələ" 3-cü, "Neftçi" 7-ci yer uğrunda oynayacaq

III Qəbələ Kuboku davam edir. Dünən startı verilən turnirdə bu gün qrup mərhələsinə yekun vurulub.

A qrupunun son turunda "Qəbələ" "Liverpul"la qarşılaşıb və bir xal qazanıb - 2:2. Qrupun digər oyununda "Fənərbaxça" "Udineze"ni 2:0 hesabı ilə udub. Bu nəticə "Qəbələ"nin qrupu ikinci pillədə bitirməsinə səbəb olub.

B qrupunda isə "Neftçi" "Anderlext"lə qarşılaşıb və 0:1 hesabı ilə yenilib. Beləliklə, Bakı klubu qrup mərhələsini xalsız başa vurub. "Rapid" "Lokomotiv" matçı isə birincilərin 3:0 hesablı qələbəsi ilə yekunlaşıb.

Yarımfinala çıxan "Qəbələ" finala vəsiqə uğrunda matçda "Anderlext"lə qarşılaşıb. Oyun belçikalıların 4:1 hesablı qələbəsi ilə yekunlaşıb. Digər oyunda isə "Fənərbaxça" "Rapid"i üstələyib - 1:0.

Beləliklə finala "Fənərbaxça" və "Anderlext" çıxıb. "Qəbələ" və "Rapid" isə üçüncü yer uğrunda oyunda üz-üzə gələcək.

5-8-ci yerlər uğrunda ilk oyunlar keçirilib. "Neftçi" A qrupunun üçüncüsü "Udineze"ni sınağa çəkib və 0:1 hesabı ilə yenilib. "Liverpul" isə "Lokomotiv"ə qalib gəlib - 2:1. "Neftçi" və "Lokomotiv" 7-ci, "Liverpul"la "Udineze" 5-ci yer uğrunda mübarizə aparacaq.

Qeyd edək ki, turnirə iyunun 1-də yekun vurulacaq.

III Qəbələ Kuboku

Qrup mərhələsi

29 may

A qrupu

Qəbələ - Liverpul 2:2

Qollar: Fərid Nəbiyev (penalti), Kamran Quliyev - Okea Simons (2).

Fənərbaxça - Udineze 2:0

Qollar: Berkay Sefa Kara, Tarık Zorlukol.

B qrupu

Rapid - Lokomotiv 3:0

Qollar: Patrik Obermüller (2), Dennis Yetiçi.

Neftçi - Anderlext 0:1

Qollar: Françesko Antoniko.

Yarımfinal

Fənərbaxça - Rapid 1:0

Qol: Alparslan Dəmir.

Anderlext - Qəbələ 4:1

Qollar: Fərid Nəbiyev (pen.) - Tresor Ndayişime, Hotman El Kabari, Milan Korin (2).

5-8-ci yerlər uğrunda

Udineze - Neftçi 1:0

Qol: Filippo Paklutsi.

Lokomotiv - Liverpul 1:2

Qollar: Sergey Pavlenko - Okera Simmons, Ben Vudben.