• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

"Qarabağ"ın bütün potensial rəqibləri

  • İdman
  • 1 İyun 2014 11:33
  • 1 619 Baxış
"Qarabağ"ın bütün potensial rəqibləri

Çempionlar Liqasının I və II təsnifat mərhələsinin bütün iştirakçıları müəyyənləşib. Azərbaycanı təmsil edəcək "Qarabağ"ın bütün potensial rəqibləri artıq bəllidi.

Son olaraq, Çernoqoriya və Macarıstan çempionlarının adı bilinib. Bunlar müvafiq olaraq "Sutyeska" və "Debretsen" olub. Nəticədə bu iki komanda da Çempionlar Liqasında çıxış etmək şansı qazanıb.

Çempionlar Liqasının I və II təsnifat mərhələsinin püşkatma mərasimi iyunun 23-də keçiriləcək. Püşkatma ərəfəsində UEFA-nın reytinq cədvəlinə əsasən, iştirakçı klublar "səpələnmişlər" və "səpələnməmişlər" səbətinə bölünəcək.

I təsnifat mərhələsində 6 komanda iştirak edəcək. İlk mərhələnin üç ən güclüsü növbəti mərhələyə vəsiqə qazanacaq və 14 komanda ilə birgə "səpələnməmişlər" səbətində yer alacaqlar.

Azərbaycan çempionu isə mübarizəyə II təsnifat mərhələsindən başlayacaq. "Qarabağ"ın II təsnifat mərhələsindəki potensial rəqiblərinin kim olacağı bəllidi. Ağdam klubu UEFA-nın reytinq cədvəlində 7,575 bala malikdi. Bu isə komandamızın püşkatma zamanı daha güclülərin yer aldığı "səpələnmişlər" səbətində yer alması deməkdi. Bir sözlə, Qurban Qurbanovun komandasını zəiflərin yer aldığı "səpələnməmişlər" səbətindən bir komanda gözləyəcək.

Qeyd edək ki, ilk təsnifat mərhələsinin oyunları iyulun 1-2-də, cavab görüşləri 8-9 iyulda keçiriləcək. "Qarabağ"ın da qatılacağı II təsnifat mərhələsinin görüşləri isə 15-16 və 22-23 iyul tarixlərində baş tutacaq.

I təsnifat mərhələsi

Səpələnmişlər: Levadiya (Estoniya), Torshavn (Farer adaları), Santa-Koloma (Andorra).

Səpələnməmişlər: Banants (Ermənistan), Linkoln Red İmps (Cəbəllütariq), La Fiorita (San Marino).

II təsnifat mərhələsi

Səpələnmişlər: Styaua (Rumıniya), Seltik (Şotlandiya), BATE (Belarus), Sparta (Çexiya), Dinamo (Xorvatiya), Ludoqorets (Bolqarıstan), Makkabi (Təl-Əviv, İsrail), Şerif (Moldova), Maribor (Sloveniya), Legiya (Polşa), Debretsen (Macarıstan), Srvena Zvezda (Serbiya), Slovan (Slovakiya), Aktobe (Qazaxıstan), Ventspils (Latviya), Qarabağ (Azərbaycan), HİK (Finlandiya).

Səpələnməmişlər: Dinamo (Tiflis, Gürcüstan), Malmö (İsveç), Reykyavik (İslandiya), Düdelanj (Lüksemburq), Stromsqodset (Norveç), Nyu-Seynts (Uels), Sent-Patrik Atletik (İrlandiya), Skenderbeu (Albaniya), Rabotniçki (Makedoniya), Valletta (Malta), Jrinski (Bosniya və Herseqovina), Kliftonvill (Şimali İrlandiya), Jalgiris (Litva), Sutyeska (Çernoqoriya), I təsnifat mərhələsinin 3 qalibi.

Xəbər lenti

DAHA ÇOX XƏBƏR