• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Hollandiya və İspaniya qalib gəldi - YENİLƏNİB

  • İdman
  • 23 İyun 2014 21:20
  • 513 Baxış
Hollandiya və İspaniya qalib gəldi - YENİLƏNİB

Dünya çempionatında qrup mərhələsinin oyunları davam edir.

Bu gün A və B qruplarının hərəsində üçüncü turun iki oyunu keçiriləcək.

B qrupunda Avstraliya İspaniya ilə qarşılaşıb. Hər iki komanda qrupdan çıxmaq şansını itirdiyindən oyuna maraq o qədər də böyük deyildi.
Sözügedən görüş İspaniyanın 3:0 hesablı qələbəsi ilə başa çatıb.

Qrupun digər görüşündə isə Hollandiya Çili yığmasını sınağa çəkib. Komandalar 1/8 finala vəsiqəni təmin etdiyindən bu görüşün nəticəsi də heç nəyi dəyişməyəcəkdi. Bu matçda isə Hollandiya 2:0 hesabı ilə qalib gələrək qrupdakı bütün matçlarda meydanı üç xalla tərk edib.

A qrupunda Kamerun Braziliya ilə üz-üzə gələcək. Afrika təmsilçisi qrupdan çıxmaq şansını itirib. Braziliyalılar isə 1/8 finala qrup lideri kimi çıxmağa çalışacaq.

Qrupun digər oyununda Xorvatiya və Meksika milliləri qarşılaşacaq. Hər iki komandanın 1/8 finala adlamaq şansı olduğundan oyun prinsipiallığı ilə seçiləcək. Qrupdan çıxmaq üçün Meksikaya heç-heçə sərf edirsə, Xorvatiya mütləq qalib gəlməlidir. A qrupunun görüşləri Bakı vaxtı ilə saat 01:00-da başlayacaq.



23 İyun

B qrupu

21:00. Avstraliya - İspaniya - 0:3
Qollar:
David Vilya, 36 (0:1), Fernando Torres, 69 (0:2), Xuan Mata, 82 (0:3)

21:00. Hollandiya - Çili - 2:0
Qollar:
Fer, 77 (1:0), Depay, 90+2 (2:0)

Xəbər lenti

DAHA ÇOX XƏBƏR