İdman

Futbolda inqilab – Məşqçilər videotəkrar tələb edə biləcəklər

28 İyun 2014 14:30

Braziliyada keçirilən dünya çempionatında FİFA-nın qolun qeydə alınması ilə bağlı tətbiq etdiyi texnologiya uğurlu alındı.

FİFA bu yöndə islahatları davam etdirmək niyyətindədi. Publika.az xəbər verir ki, FİFA videotəkrarın tətbiqinə hazırlaşır. Bu barədə qurumun prezidenti Yozef Blatter deyib. O, UEFA prezidenti Mişel Platini ilə danışıqlar aparıb və yeni texnologiyanın Avropa-2016-da da tətbiq olunacağını bildirib.

Blatter həmçinin qeyd edib ki, futbol oyunlarının ədalətli olması üçün hakimlər mübahisəli epizodun videotəkrarına baxa biləcək.

Hakimlər bu addımı baş məşqçilərin tələbi ilə atacaq. Hər bir məşqçinin bir hissə ərzində hakimdən 2 dəfə videotəkrara baxmağı tələb etmək hüququ olacaq.

Camalə