İdman

Qızılları Azərbaycana necə daşıdılar?

10 İyul 2014 13:22

Ötən ilin yekunlarına əsasən, iştirak etdikləri rəsmi beynəlxalq yarışlarda Azərbaycan güləşçiləri ümumilikdə 92 qızıl, 71 gümüş və 135 bürünc medal qazanıblar.

Publika.az xəbər verir ki, yanvarın 1-dən iyul ayının 1-nə qədər olan müddətdə güləşçilərimiz ümumilikdə 229 medal qazanıblar. Bunların 47-si böyüklərdən, qalanı isə gənc və yeniyetmələrdən ibarət komandalarımızın payına düşür.

Qazanılan medalların 80-nin əyarı qızıl, 59-u gümüş, 90-ı isə bürünc medallardır. Qarşıda ilin hələ 6 ayı var, orta hesablamalara görə, idmançılarımızın qazanacaqları mümkün medalların sayı ötənilki göstəriciləri geridə qoya bilər. Bu o deməkdir ki, 2014-cü ildə uğurların sayının daha çox olacağı gözlənilir.

Bu ilin mayında İranın paytaxtı Tehran şəhərində yunan-Roma güləşi üzrə böyüklər arasında Dünya Kuboku yarışarında millimiz güləş tariximizdə yeni səhifə yazmağı bacarıb. Tarixdə ilk dəfə Dünya Kuboku yarışlarında 3-cü yeri tutaraq, bürünc medala sahib olublar.

Aygün