İdman
Əsədovdan final matçına proqnoz: “Ən azı 3-4...”
Braziliyada keçirilən dünya çempionatı sona yaxınlaşır. Artıq mundialın finalçıları məlumdur.
İyulun 13-də - finalda Almaniya Argentina ilə üz-üzə gələcək. Mundialın final matçı ilə bağlı “Neftçi”nin keçmiş baş məşqçisi Arif Əsədovun fikrini öyrəndik. Publika.az-a danışan Əsədov final qarşılaşması ilə bağlı dəqiq proqnoz verməyin çətin olduğunu bildirdi:
“Hər iki komanda finala layiqdi. Çempionatdan əvvəl fikirləşirdim ki, finalda Braziliya ilə Almaniya görüşə bilər. Amma onları yarımfinalda görüşdürdülər. Braziliyanın elə məğlubiyyəti təəccüblü oldu.
4-5 komanda var idi ki, onlar favorit sayılırdı, onlardan da ikisi finalda görüşəcəklər. Mənim favoritim isə Almaniyadır. Çünki onların Braziliya üzərindəki əzmkar qələbəsi də onun çempinluğa ən layiqli namizəd olduğunu göstərir. Yaddan çıxarmayaq ki, Argentinanın da balanslaşmış heyəti, Messi kimi oyunçusu var.
Final matçı elədir ki, burada heç də açıq futbol gözlənilmir. Sadəcə, bu qarşılaşmaya psixoloji baxımdan hazır olmaq lazımdır.
Hardasa, ehtiyatlı bir oyun olacaq. Amma hər iki komanda hücuma meyilli komandadır, düşünürəm ki, maraqlı görüş keçəcək”.
Arif Əsədov bol qollu bir görüş gözlədiyini də vurğuladı:
“Çempionatın, demək olar ki, hər oyununda bol qollar gördük. Düşünürəm ki, bu ənənə davam edəcək. Ən azı 3-4 qol olacaq. Hesab isə, guman ki, 3:2, 2:1 ola bilər”.
Aygün İlqarqızı
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...