İdman
Əfsanəvi məkanda son döyüş
Bu gün Braziliyada keçirilən dünya çempionatında son akkord vurulacaq.
Publika.az xəbər verir ki, mundialın final qarşılaşmasında azarkeşlər Cənubi Amerika – Avropa qarşıdurmasına şahidlik edəcək. Argentina – Almaniya finalı amansız mübarizə vəd edir. Heyətində Lionel Messi kimi futbolçunun olduğu Argentina millisi Braziliyada müdafiəyəmeyilli futbol sərgilədi.
Almaniya isə əksinə, hücum etməklə yadda qaldı. Almanların hücum potensialı Argentinanın müdafiə xəttini yarmaq üçün yetərli olacaqmı? Almanlar Lionel Messinin qarşısını ala biləcəkmi? Almaniyanın məşqçilər korpusu mətbuata verdiyi açıqlamada bunu üçün xüsusi plan hazırladıqlarını bildiriblər.
Təbii ki, Messi üçün xüsusi plan hazırlanmasından Argentinanın da məşqçilər korpusu xəbərdardır. Belə məqamda onların da planı olmalıdır. Messi zərərsizləşdirilincə, başqa birisi liderlik funksiyasını üzərinə götürməlidir. Argentinada belə bir futbolçu tapılacaq?
Almaniyanın isə liderə ehtiyacı yoxdur. Kollektiv futbol sərgiləyən bu komandada kimin nə edəcəyini əvvəlcədən müəyyənləşdirmək çox çətindir.
Komandalar indiyə qədər 20 dəfə üz-üzə gəliblər. 6 oyunda Almaniya, 9 qarşılaşmada Argentina qalib gəlib. 5 matç bərabərliklə bitib. Vurulan qolların nisbətində isə tarazlıq var – 28-28.
Final
13 iyul
00.00 Almaniya – Argentina
Hakim: Nikola Ritsoli (İtaliya)
Rio de Janeyro. “Marakana” stadionu.
-
Magazin111:01
Aktyor xalq artistinə belə cavab verdi: "Bu, onun başı üçün deyil"
-
Magazin110:31
Faiq Brillianta gözlənilməz sözlər dedi: "Allah bircə balasını..." - VİDEO
-
MDB10:21
FTX 5 ildir izləyirmiş: Generalın həbsinin detalları
-
Dünya09:48
İlber Ortaylıdan üzücü xəbər
-
Nida Xəbər 09:06
Köçəryan sərhədin müəyyənləşməsi haqda: Ola bilsin ki, mübahisəli ərazilərdən...
-
İdman08:24
Polis kluba BASQIN ETDİ: iki futbolçu zorlama ittihamı ilə saxlanıldı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ