İspaniyanın hegemonluğuna son qoyuldu

FİFA milli komandaların yeni reytinq cədvəlini açıqlayıb.

Publika.az xəbər verir ki, Azərbaycan millisi 10 pillə irəliləyib.

Hesabat dövründə heç bir oyun keçirməyən yığmamız 83-cü yerdən 73-cü pilləyə yüksəlib. Aktivində 410 xal olan komandamız Makedoniya, Kabo-Verde, Avstraliya, Zambiya, Səudiyyə Ərəbistanı, Mərakeş, Anqola, Belarus, Konqo və Yamaykanı arxada qoyub.

Millimizin AVRO-2016-nın seçmə mərhələsindəki 5 rəqibindən üçü - Xorvatiya 1 (17-ci pillə, 955 xal), Norveç 2 (53-cü pillə, 520 xal), Bolqarıstan 6 (72-ci pillə, 425 xal) pillə irəliləyib. Dunya çempionatında uğursuz çıxış edən İtaliya 5 (14-cü pillə, 1056 xal), Malta isə 18 (150-ci yer, 146 xal) pillə geriləyib.

Braziliyada keçirilən dünya çempionatı reytinq siyahısında ciddi dəyişikliklərə səbəb olub. Uzun müddət zirvədə qərarlaşan İspaniyanın hegemonluğu başa çatıb. Pireneylilər 7 pillə geriləyiblər. Braziliya 4, İtaliya 5 və İngiltərə 10 pillə geri düşüb. Sonuncu iki komanda ilk “10-luq”dan da kənar düşüb. İtaliya hazırda dünyanın 14, İngiltərə isə 20-ci komandasıdı.

Əvəzində Almaniya 1-ci yerə qalxıb. Hollandiya isə böyük sıçrayış edib. Argentina 5-ci yeri 2-yə dəyişib. "Narıncılar" 15-ci yerdən 3-cü pilləyə qalxıb. Belçika və Fransa da ilk "10-luğ"a daxil olub.

1 (2). Almaniya - 1724

2 (5). Argentina - 1606

3 (15). Hollandiya - 1496

4 (8). Kolumbiya - 1492

5 (11). Belçika - 1401

6 (7). Uruqvay - 1330

7 (3). Braziliya - 1241

8 (1). İspaniya - 1229

9 (6). İsveçrə - 1216

10 (17). Fransa - 1202

Türkiyə millisi 3 pillə irəliləyərək 32-ci olub. Rusiya 4 pillə geriləyərək 23-cü pilləyə düşüb. Ermənistan 3 (41-ci yer), İran 6 pillə (49-cu yer) geriləyib, Gürcüstan mövqeyini qoruyub (96-cı yer).