“Qarabağ”a Avstriya klubu rəqib oldu

Bu gün Çempionlar Liqasının III təsnifat mərhələsinin püşkü atılıb.

Publika.az xəbər verir ki, Bakı vaxtı ilə saat 15.00-da UEFA-nın Nyon şəhərindəki mənzil-qərargahında başlayan mərasimdə "Qarabağ"ın da rəqibi müəyyənləşib.

II təsnifat mərhələsi başa çatmadığından püşkdə cütlər iştirak edib. Belə ki, səbətdən "Qarabağ" deyil, "Valletta" - "Qarabağ" cütü çıxıb. Püşk Azərbaycan çempionunun yer aldığı cütü Avstriyanın "Salzburq" klubu ilə üz-üzə qoyub.

Türkiyənin turnirdəki təmsilçisi "Beşiktaş" Hollandiyanın "Feyenoord" klubuna rəqib olub.

Çempionlar Liqası

III təsnifat mərhələsi

Valletta (Malta)//Qarabağ (Azərbaycan) - Salzburq (Avstriya)

Şerif (Moldova)//Sutyeska (Çernoqoriya) - Olborq (Danimarka)

Dinamo (Xorvatiya)//Jalgiris (Litva) - Legiya (Polşa)//Sent Patriks (İrlandiya)

BATE (Belarus)//Skenderbeu (Albaniya) - Kliftonvill (Şimali İrlandiya)//Debretsen (Macarıstan)

Seltik (Şotlandiya)//Reykyavik (İslandiya) - Slovan (Slovakiya)//TNS (Uels)

Dinamo (Gürcüstan)//Aktobe (Qazaxıstan) - Stromsqodset (Norveç)//Styaua (Rumıniya)

Jrinski (Bosniya və Herseqovina)//Maribor (Slovaniya) - Santa Koloma (Andorra)//Makkabi (Təl-Əviv, İsrail)

Rabotniçki (Makedoniya)//HİK (Finlandiya) - APOEL (Cənubi Kipr)

Sparta (Çexiya)//Levadiya (Estoniya) - Malmö (İsveç)//Ventspils (Latviya)

Ludoqorets (Bolqarıstan)//Düdelanj (Lüksemburq) - Partizan (Serbiya)//Torşavn (Farer adaları)

AEL (Cənubi Kipr) - Zenit (Rusiya)

Dnepr (Ukrayna) - Kopenhagen (Danimarka)

Feyenoord (Hollandiya) - Beşiktaş (Türkiyə)

Qrasshoppers (İsveçrə) - Lill (Fransa)

Standard (Belçika) - Panatinaikos (Yunanıstan)

Publika.az