• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Qamət Süleymanov : “Ronaldoyla Messi cəhənnəmlikdi”

  • İdman
  • 30 Yanvar 2014 10:53
  • 1 851 Baxış
Qamət Süleymanov : “Ronaldoyla Messi cəhənnəmlikdi”

“Əbu Bəkr” məscidinin imamı Qamət Süleymanov bu dəfə futboldan danışıb.

Publika.az xəbər verir ki, “Futbol+” qəzetinə müsahibə verən Qamət Süleymanov birmənalı qəbul edilməyəcək fikirlər səsləndirib. Müsahibəni ixtisarla təqdim edirik.

- “Əbu Bəkr” məscidinə namaz qılan futbolçular gəlir? Belələrini görmüsünüz?

- Ola bilər, bizim məscid bağlı olmasa da, məhdudiyyət qoyulub. Bura ancaq 5-10 nəfər daxil olur. 2008-ci ildən bəri belə vəziyyət yaranıb. Məscidə istənilən idmançı gələ bilər.

- Milli komandamızın üzvlərindən imanı daha güclü olan Rəşad Sadıqov və ya Əfran İsmayılovu tanıyırsınız? Onları məscidinizdə gömüsünüz?

- Nəinki onlar, başqaları da gəlir. Məscid Allahın evidir. Ora nəinki idmançılar, hər adam gələ bilər.

- Qarşıdan DÇ gəlir. Braziliyada keçiriləcək mundialda Səudiyyə Ərəbistanı yox, İran millisi iştirak edəcək.

Bir müsəlman ölkəsi kimi İran yığmasının uğur qazanmasını istərdinizmi?

- Əlbəttə, mən hər yanda müsəlmanların uğur qazanmasını istərdim.

- Yəqin ki İran millisinə də azarkeşlik edirsiniz...

- Düzü, futbola çox marağım yoxdur.

- Məşhur futbolçular arasında xeyriyyəçilər çoxdur. Məsələn Kristiano Ronaldonun fələstinlilərlə isti münasibəti var və portuqaliyalının onlara yardım etdiyi söylənlilir. Messi dəfələrlə xeyriyyə aksiyalarına qatılıb. Bir sözlə, belələri savab işlərlə məşğul olur. Sadəcə belələri İslamı qəbul etməyib və namaz qılmırlar. Onların yeri buna görə cəhənnəmlikdir? Xahiş edirəm mövqeyinizi açıqlayın!

- Mövqeyimiz odur ki, bu adamlar “La ilahə illəllah” demir. Peyğəmbərimiz deyir ki, “kim məni tanımadan ölsə, cəhənnəmlikdir”.

- Yəni bu insanlar bu qədər xeyirxahlığın müqabilində...

- Bəli, əməl əqidəyə bağlı olmalıdı. Əqidəsiz əməlin faydası yoxdur. Ya da ki, hər hansı “mavi” yaxşı iş görə bilər. Amma bu onun əla adam olmasından xəbər vermir. Hər halda, “mavilik” onun böyük problemidi.

- Yəni yaxşı işlər görən “mavi”ylə islamı qəbul etməyən, amma yaxşı işlər görən Kristiano Ronaldoyla Messinin hökmü birdi?

- Bəli, Ronaldoyla Messi İslamı qəbul etməyibsə, cəhənnəmlikdi.

Xəbər lenti

DAHA ÇOX XƏBƏR