• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Yunis Hüseynov: “Şanslar çox yüksəkdir”

  • İdman
  • 14 Avqust 2014 17:51
  • 1 187 Baxış
Yunis Hüseynov: “Şanslar çox yüksəkdir”

Azərbaycanın tanınmış futbol mütəxəssisi Yunis Hüseynov “Qarabağ” və “Neftçi”nin Avropa Liqasının pley-off mərhələsindəki rəqiblərindən danışıb.

Publika.az-a danışan Y.Hüseynov “Qarabağ”ın növbəti mərhələyə keçmək şansının olduğunu deyib: “Hər iki klub rəqiblərini yaxşı tanıyır. Əvvəllər "Qarabağ” “Tvente” ilə, “Neftçi” də “Partizan”la artıq qarşılaşıb. “Tvente” “Qarabağ”a qalib gələndə rəqibin güclü futbolçuları var idi. Lakin indi bu klub bir qədər zəifləyib. Bildiyimə görə, bu yaxınlarda güclü futbolçulardan daha birini başqa kluba satıb. Bu baxımdan, hesab edirəm ki, iki oyunun nəticəsinə görə, bəzi aparıcı oyunçuları olmasa da, “Qarabağ”ın növbəti mərhələyə keçmək şansı daha yüksəkdir”.

Y.Hüseynov “ağ-qaraların” da şanslarının kifayət qədər yüksək olduğunu düşünür: “Tvente” ilə müqayisədə “Partizan” bir qədər güclənib. “Neftçi”də bir sıra problemlər olsa da, komanda rəqibini yaxşı tanıyır. Lakin “Neftçi” “Partizan”la görüşə çox ciddi hazırlaşmalıdır.

“Çixura” ilə görüşün ikinci hissəsində “Neftçi” bir qədər zəif oyun göstərmişdi və nəticədə rəqib onun qapısı qarşısında bir neçə qol epizodu yaxalaya bilmişdi. Amma unutmayaq ki, “Partizan” “Çixura” deyil və əlinə düşən imkanlardan maksimum istifadə etməyə çalışacaq. Buna görə də, “Neftçi” “Partizan”la qarşılaşmalarda maksimum dərəcədə yaxşı oyun nümayiş etdirməlidir”.

Xatırladaq ki, İsveçrənin Nyon şəhərində Avropa Liqasının pley-off mərhələsində “Qarabağ” yenidən Hollandiyanın “Tvente”, “Neftçi” isə köhnə rəqibi Serbiyanın “Partizan” klubu ilə qarşılaşacaq.

Aygün İlqarqızı

Xəbər lenti

DAHA ÇOX XƏBƏR