İdman
Azərbycanda atıcılıq üzrə beynəlxalq turnir
Bu gün Qəbələdə stend atıcılığı üzrə ümummilli lider
Heydər Əliyevin xatirəsinə həsr olunan beynəlxalq Qran-Pri
turnirinə start veriləcək.
Publika.az-ın məlumatına görə, Beynəlxalq İdman Atıcılıq
Federasiyasının təqvim planında Avropa və dünya çempionatından
sonra ən mühüm yarışlar sırasında olan turnirə Azərbaycan ilk dəfə
ev sahibliyi edəcək.
“Qəbələ” atıcılıq klubunun təşkilatçılığı, Milli Olimpiya Komitəsi,
Gənclər və İdman Nazirliyi və Azərbaycan Atıcılıq Federasiyasının
dəstəyi ilə baş tutacaq yarış avqustun 21-nə kimi davam edəcək.
Qran-pridə yığmamızla yanaşı, Avstraliya, Azərbaycan, Böyük
Britaniya, Belarus, Finlandiya, Gürcüstan, Hindistan, İran,
İtaliya, Küveyt, Qazaxıstan, Qətər, Rusiya və Özbəkistan kimi
ölkələrin snayperləri öz dəqiqliklərini yoxlayacaqlar.
Azərbaycanı yarışda Olimpiya çempionu Zemfira Meftahətdinova,
“Qəbələ” İdman Klubunun vitse-prezidenti, dəfələrlə Azərbaycan
çempionu Elvin İsmayılov, Atıcılıq Federasiyasının İcraiyyə
Komitəsinin üzvü, “Qəbələ” Atıcılıq Klubunun texniki meneceri,
dəfələrlə Azərbaycan çempionu Emin Cəfərov, dünya kubokunun
finalçısı, Azərbaycan rekordçusu, “Qəbələ” Atıcılıq Klubunun
nümayəndəsi Nurlana Cəfərova, Xanhüseyn Bağırov, Elçin Babayev və
Paşa Əhədpur təmsil edəcəklər .
“Qəbələ” İdman Klubunun vitse-prezidenti Elvin İsmayılov bildirib
ki, ulu öndər Heydər Əliyevin xatirəsinə həsr olunan yarışa
təşkilatçılıq etmək böyük fərəh hissidir: “Bütün il ərzində bu
yarışa səmərəli hazırlıqlar görmüşük. Ümidvarıq ki, sərf etdiyimiz
əmək öz bəhrəsini verəcək və biz bu yarışda ölkəmizi layiqincə
təmsil edəcəyik”.
Qeyd edək ki, ümumi mükafat fondu 81 min ABŞ dolları olan
Qran-pridə 150-yə yaxın idmançı dairəvi və səngər stend növləri
üzrə mübarizə aparacaqlar.
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!