İdman
“Neftçi” özünü uduzdurdu - VİDEO
Avroliqanın pley-off mərhələsinin ilk oyunları keçirilib. Turnirdə təmsilçilərimizdən olan “Neftçi” də meydana çıxıb.
Böyükağa Hacıyevin komandası səfərdə Serbiyanın “Partizan” klubu ilə qarşılaşıb. Bakı vaxtı ilə saat 23:15-də başlayan görüşdə qapılara 5 qol vurulub. Qolların 4-nü təmsilçimiz vurub.
Belə ki, hesabda 2:0 önə keçən "Neftçi" sonradan üstünlüyünü əldən verərək meydanı məğlub tərk edib - 2:3. Çünki “Neftçi” 2 dəfə avtoqola imza atıb.
Qeyd edək ki, "Neftçi" və "Partizan" komandaları arasında cavab
qarşılaşması avqustun 28-də, Bakıda keçiriləcək.
21 avqust
Avropa Liqası, pley-off mərhələsinin ilk oyunları
23:15. “Partizan” (Serbiya) – “Neftçi” (Azərbaycan) -
3:2
Qollar: Denis Silva, 11 (0:1), 17
(0:2), Denis Silva, 29-avtoqol (1:2), Qrbiç, 32 (2:2), Elvin
Yunuszadə, 69-avtoqol (3:2)
"Neftçi" klubunun baş məşqçisi Böyükağa Hacıyev Avropa Liqasının pley-off mərhələsinin "Partizan"la ilk oyunundan (2:3) sonra keçirilən mətbuat konfransında Bakıda meydana fərqli "Neftçi"nin çıxacağını bildirib:
“Hər şeydən əvvəl sizi təbrik edirəm. Amma bu cütün qalibinə avqustun 28-də aydınlıq gələcək. Bu görüşdə 2:0 hesabı ilə irəlidə olmağımıza baxmayaraq, məğlub olduq. Futboldur. Ötən gün mətbuat konfransında demişdim ki, maraqlı oyunun şahidi olacaqsınız. Bir oyunda 5 qolun vurulması matçın necə gərgin keçməsindən xəbər verir. Bir neçə oyunçumuzun olmaması müdafiədə boşluqlar yaratmışdı. Bir həftə sonra Bakıda meydana fərqli bir "Neftçi" çıxacaq. Səfərdə vurulan 2 qol bizim xeyrimizə işləyəcək. "Partizan" vəziyyətdən çıxış yolunu hökmən irəli atılmaqda görəcək. Biz də çalışacağıq ki, bundan maksimum yararlanaq”.
"Neftçi" klubunun qapıçısı Saşa Stamenkoviç isə Avropa Liqasının pley-off mərhələsinin "Partizan"la ilk oyunundan (2:3) sonra belə deyib:
"Partizan"ın oyunçularına və məşqçilər heyətinə təşəkkür edirəm. Çünki onlar bu görüşdə öz işlərini gördülər. Bu komandaya son dərəcə hörmətlə yanaşıram.
Nəticədən narazı qaldım. Çünki hesab 2:0 olarkən biz daha çox qol vura bilərdik. Məğlubiyyətə baxmayaraq, mərhələ keçmək şansımız qalır. Favorit "Partizan"dan daha çox şey gözləyirdim. Qrup mərhələsinə düşmək üçün yaxşı şansımız var”.
Aygün
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO