Saxtakarlıq edən məşqçi cəzalandırıldı
Bizi izləyin

İdman

Saxtakarlıq edən məşqçi cəzalandırıldı

Saxtakarlıq edən məşqçi cəzalandırıldı

Bu gün AFFA İntizam Komitəsinin növbəti iclası keçirilib.

Publika.az xəbər verir ki, aparılan müzakirələrdən sonra 1-ci divizionun 3-cü turunun “Mil-Muğan” – “Turan-T” matçındakı hadisəyə də baxılıb.

Belə ki, “Mil-Muğan” komandasının futbolçusu Fərid İbrahimlinin əvəzinə oyunda klubun digər futbolçusu Orxan Məhərrəmov iştirak edib. Matçın hakiminin iştirakı ilə hər iki futbolçunun sənədləri yoxlanılıb və həqiqətən də hadisənin yuxarıda qeyd olunduğu kimi olduğu aşkarlanıb. Qeydləri nəzərə alan İntizam Komitəsi “Mil-Muğan” klubu və baş məşqçisini cəzalandırıb.

“Mil-Muğan" limiti pozduğuna görə kluba 0:3 hesablı texniki məğlubiyyət verilib və klub 1000 manat cərimə olunub. Matçda göstərilmiş sarı vərəqələr qüvvədə qalıb. Vurulmuş qollar ləğv edilib.

Komandanın baş məşqçisi Mətləb Məmmədov isə saxtakarlığa yol verdiyinə görə, 12 aylıq futbol fəaliyyətindən kənarlaşdırılıb və klub 1000 manat cərimə olunub.

Publika.az

Oxumağa davam et
Reklam
Reklam

Gündəm