• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

"Onların arasında müharibə olmasını istəmirəm"

  • İdman
  • 1 Oktyabr 2014 14:25
  • 298 Baxış
"Onların arasında müharibə olmasını istəmirəm"

“Çelsi”nin və İspaniya millisinin hücumçusu Dieqo Kosta Mourinyo ilə Visente del Boskenin ona görə münaqişə yaşamasını istəmir.

Bir müddət əvvəl “Çelsi”nin baş məşqçisi Mourinyo bildirmişdi ki, Kosta İspaniya yığmasının Slovakiya və Lüksemburqla oyunlarında iştirak etməməlidir. Mourinyo bu müddətdə futbolçunun zədəsinin tam sağalmasını istəyir. Visente del Boske isə hücumçunu sərəncamında görmək istəyir.

Publika.az xəbər verir ki, futbolçu bu məsələyə münasibətini açıqlayıb:

“Mourinyo və Del Boske arasında müharibə olmasını istəmirəm. Mənə Braziliya millisi ilə bağlı yaranan qalmaqal bəs edir, əlavə problem arzulamıram. Hazırda məni rahat buraxmaq lazımdır ki, həm “Çelsi”nin, həm də İspaniya millisinin oyunlarına hazır olum. Allah elə etsin ki, tam sağlam olum və İspaniyanın heyətində meydana çıxım”.

Qeyd edək ki, Mourinyo futbolçunun zədəli olduğunu iddia etsə də, o, Kostanı dünən keçirilən Çempionlar Liqasının “Sportinq”lə oyununda meydana buraxmışdı.

Publika.az

Xəbər lenti

DAHA ÇOX XƏBƏR