Azərbaycan millisindəki legionerlərin çoxu “lezbiyanka”dır - ŞOK MÜSAHİBƏ

Azərbaycanın 19 yaşadək qızlardan ibarət yığma komandasının sabiq futbolçusu Samirə Məmmədzadənin Sportnet.az-a müsahibəsi...

- Necə oldu ki, futbola başladın?

- 1996-ci ildə Bakıda anadan olmuşam. 3 ildir futbolla məşğulam. Bu idman növünə uşaq vaxtından həvəsim olub. Sadəcə, Azərbaycanda qadın futbolu yox idi. Sonra atam maraqlandı. Qız futbolu olduğunu bildikdən sonra, məni futbola yazdırdı.

- Bizdə qızın futbolla məşğul olmasını mentalitetə uyğun görmürlər. Lakin bunun qarşılığında bu gün kifayət qədər qız futboldadır. Buna səbəb nədir?

- Əslində futbola başqa səbəbdən gələnlər heç vaxt irəli getməyəcəklər. Kiminsə futbol həvəsi var, kiminsə də hər hansısa bir həvəsi.

- Nəyi nəzərdə tutursan: Bir az açıq danışa bilərsən?

- Sözünü düzünü deyim: "Lezbiyanka"lığı.

- Nəhayət, bunu açıq şəkildə etiraf edən oldu. Bu barədə səni cəsarətli saymaq olar?

- Mən ürəkli biriyəm. Sözü həmişə açıq deyirəm.

- Bunu etiraf etməkdən niyə qaçırlar?

- Etiraf etmək üçün ürəkləri yoxdur, ya da nədənsə çəkinirlər. Üzərlərindın atırlar.

- Sən də "Lezbiyanka”san?

- Yox, Allah eləməsin. Elə iş etməkdənsə, ölərəm.

- Bu hala münasibətin necədir?

- Çox pis. Mən hələ də qızın qızla münasibətini anlaya bilmirəm. Azərbaycanla adına yaraşmır.

- Bəs komanda yoldaşların, ya da millidə belələri var?

- Bəli var. Klublarda da, millidə də.

- Çox güman ki, ad açıqlamayacaqsan...

- İstəmirəm ad çəkim.

- Heç olmasa deyə bilərsənmi: bunlar legionerlərdir, yoxsa yerlilər?

- Legionerlər də var, azərbaycanlılar da. Amma legionerlər arasında daha çoxdur.

- Bir qızın "lezbiyanka" olduğunu necə anlaya bilirsən?

- Geyiminə, saç düzümlərinə baxmayaraq, qızlara qarşı münasibətindən anlamaq olur. Geyimə qalsa, mən də idman üslubunda geyinirəm.

- "Lezbiyanka"lığa meyl qız uşaqlarında futbola gəldikdən sonra yaranır, yoxsa elə o vəziyyətdə gəlirlər?

- Onlar uçuruma gedirlər. Ağıllarını başlarına yığsalar, yaxşı olar. Özləri-özlərini yoldan çıxarırlar.

- Deyəsən, bu "lezbi"lər səni yaman özündən çıxarır?

- Belə şeylər görəndə əsəbiləşirəm. Həyata nifrət edirəm. Mənə də belə təkliflər gələndə cavablarını verib yola salıram.

- Hansısa bir hərəkəti göz-önündə ediblər, görmüsən?

- Açıq-aşkar görməmişəm. Təbii ki, nə hərəkət etsələr, gizlicə edərlər.

- Deyirsən sənə təklif ediblər. Necə olub, yaxınlaşıb nə deyib?

- "Facebook"da yazıblar. Hələ ki real həyatda yaxınlaşmayıblar. "Nə qəşəngsən, tanış olaq" yazıblar. Hətta deyiblər ki, "mən lezbiyəm, "para" olaq". Demişəm: "get, işinlə məşğul ol".

- Bu təklifi hazırda qızlardan ibarət komandalarda olanlar edib?

- Bəli.

- Bu, artıq qadın futbolunda adı hala çevrilib?

- Bəli, onlar üçün adı haldır.

- Ailələrindən bilən var, yoxsa elə onlar bilməsin deyə gizlədirlər?

- Məncə, ailələrinin xəbəri yoxdur. Olsaydı, övladlarına sahib çıxardılar.

- Mətbuatda bu haqda yazılanda, narahat olublar ki, ailələri oxuyacaq?

- Xəbərim yoxdur.

- Biləndə ki, dostluq etdiyin qızlar da bu yola keçib, dostluğu pozursan?

- Xeyr, davam edirəm. Özləri bilər. Güya mən desəm, eləməyəcək?!

- Dostlarınla bu haqda söhbətin olub: Səni də bu yola çəkməyə çalışıblar?

- Xeyr, hec vaxt bu mövzuda söhbətimiz olmayıb.

- Sənin onları ifşa etməyinə necə münasibət göstərəcəklər?

- Kimdənsə qorxmuram ki, deməyim. Lazım olsaydı, deməzdim.

- Bəs deməkdə səbəbin nədir, onlara dərs vermək, yoxsa mübarizə aparmaq?

- Özləri başa düşsünlər, yığışdırsınlar belə hərəkətləri. Mübarizə aparıram.

- Səncə, bunun xeyri olacaq?

- İnşallah olar. Əminəm ki, ağıllı insanlara dərs olacaq.

- Sizin və millinin məşqçiləri bu haqda məlumatlıdırlar?

- Bilmirəm.

- Millinin keçmiş baş məşqçisi Zamin Əsədullayev bir neçə ay öncə saytımıza müsahibəsində komandadan elələrini qovduğunu söyləmişdi...

- Yəqin ki, düzdür. Komandada elə hərəkətlər olmamalıdır. Kənarda nə istəyirlər, etsinlər.

- Heç belə şeyləri görüb futbola gəldiyin üçün peşmançılıq hissi keçirmisən?

- Xeyr, futbola nifrətim olmayıb. Amma istəyirdim uzaqlaşım. "Lezbiyankalar"ın çoxu Zamin müəllimin getməsinə çox sevindilər. Mən çox təəssüf edirəm ki, belə bir məşqçini Azərbaycan futbolundan uzaqlaşdırdılar.

- Onun getmə səbəbini bilirsən?

- U-17 millisində nəsə hadisə olmuşdu. Dəqiq məlumatım yoxdur.

- Millidə oynamaq üçün qızları necə seçirlər, qabiliyyətə, yoxsa "day-day"a görə?

- Millidə qızlar var ki, güclü oynanırlar. Bəziləri var ki, heç bacarığı yoxdur. Yəqin ki, arxalarında AFFA-da yüksək vəzifədə çalışan tanışları var.