“Messinin qarşısını almaq üçün avtomata ehtiyac var”

Futbol dünyasının unudulmaz sözləri…

Xavier Zannetti: “İtaliya kubokunu qazanmışdıq, anam mənə mesaj göndərdi. Gecə idi deyə zəng etmədim. Səhər isə anamı itirmişdim”.

Ronaldinyo: “Nə qədər ki, Messi “Barselona”dadır və möhtəşəm oynayır, “Barselona”nın dövrü bitməyəcək”.

Andrea Pirlo: “Mənim fikrimcə, avtomobildən sonra ən böyük kəşf “Play station” dır”.

Müxbir: Qol vuranda niyə göyə baxırsan?
Messi: Vurduğum qolları dünyasını dəyişmiş nənəmə həsr edirəm. Məhz o, atama məni futbola aparmağı məsləhət görmüşdü. Heyif ki, indi etdiklərimi görə bilmir.

Keçmiş “Qalatasaray”lı əfsanə olan rumıniyalı Georgi Haginin ilk topu donuzun sidik kisəsindən olub.

Jose Mourinyo: “Çelsi” üçün dünyadakı hər işi rədd edə bilərəm”.

Şenol Güneş: “Oğlum olsa 30.000 Tl ( türk lirəsi) verəcəyimə, 30.000 sillə vuraram. Vətəni adam kimi qorusun deyə”.

Müxbir: Həyat yoldaşınıza ad günü hədiyyəsi olaraq nə aldınız?

Zlatan İbrahimoviç: Heç bir şey. Onun zatən Zlatanı var.

Kistiano Ronaldo: “Oyundan sonra hər kəs tər qoxarkən, Devid Bekhemdən ətir iyi gəlirdi”.

Kisto Stoiçkov: “Mənim qarşımı almaq üçün tapançaya ehtiyac olduğu halda, Lionel Messinin qarşısını almaq üçün isə avtomata ehtiyac var”.