• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

“Barselona” Azərbaycanda məktəb açdı – FOTOLAR

  • İdman
  • 19 Noyabr 2014 14:31
  • 487 Baxış
“Barselona” Azərbaycanda məktəb açdı – FOTOLAR

Ölkəmizdə ilk dəfə olaraq dünyaca İspaniyanın məşhur “Barselona” klubunun rəsmi düşərgəsi fəaliyyətə başlayıb.

Düşərgə “İnter” (Bakı) futbol klubunun nəzdində, “Şəfa” stadionunda açılıb. Fiziki hazırlığından asılı olmayaraq 6-16 yaş kateqoriyasında istənilən uşaq “Barselona” klubunun düşərgəsində iştirak edə bilmək imkanına malikdir. Düşərgənin ilk qəbul noyabrın 17-dən dekabrın 12-dək davam edəcək.

Publika.az xəbər verir ki, “Barselona”nın rəsmi düşərgəsi azərbaycanlı gənc həvəskarlara həmin klubun eyni yaşlı komandalarında istifadə olunan futbol bacarıqlarını və taktikalarını öyrənmək imkanı yaradır.

Yaradıcılar iddia edir ki, “BFK düşərgəsi eyni zamanda, praktiki təcrübə vasitəsilə uşaqlara “Barsa” futbol modelini öyrənmək üçün bir vasitə olacaq”.

Düşərgənin təlimləri 4 qrupdan ibarət olacaq və 3 sessiya üzrə keçiriləcək. Təlim müddəti 2 həftə olmaqla təşkil olunur.

Dünyanın müxtəlif yerlərində 20 mindən artıq uşaq “FCB Escola” tərəfindən təşkil edilən BFK düşərgəsində təlim keçir. BFK düşərgəsi gənc futbolçuları “Barselona” futbol klubunun peşəkar məşqçiləri ilə təmin edir.

BFK düşərgəsi formalaşma mərhələsində olan gənc oyunçuların yetişməsinə böyük diqqət göstərir. Bu düşərgədə qeydiyyatdan keçən uşaqlar paralel məşqlərdə iştirak edir, futbol texnikasına yiyələnir, istirahət edir və əylənirlər. Düşərgə, əsasən, məktəbli yaşlarında olan oğlan və qızların birgə təlimi üçün nəzərdə tutulub.

Düşərgənin əsas hədəflərindən biri “Barselona”nın təmsil etdiyi mühüm dəyərləri uşaqlara öyrətməkdir.

“FCB Escola” 2003-cü ildə Xevi Marce və Jordi Rovira tərəfindən yaradılıb. “FCB Escola” Victor Valdes və Gerard Pique kimi oyunçuları yetişdirən Barsa Sosial Turnirinin keçirilməsindən sonra ərsəyə gəlib.

Düşərgədə uşaqlara Barselona Futbol Klubu Akademiyasının koordinatoru Fredi Martin, məşqçilər Sergi Pi və Andreu Cerarols təlim keçəcək. Qeyd etmək lazımdır ki, UEFA lisenziyalı bu məşqçilərinin 15 ildən artıq məşqçi təcrübəsi, futbol üzrə magistr dərəcəsi var.

Publika.az

Xəbər lenti

DAHA ÇOX XƏBƏR